هــــه‌واڵ عــیراق
كه‌ركوك ئاماده‌س ئه‌را ئه‌نجامداين راپرسى

كه‌ركوك ئاماده‌س ئه‌را ئه‌نجامداين راپرسى


شه‌فه‌ق نيوز/ نه‌جمه‌دين كه‌ريم پاريزگار كه‌ركوك ئاشكراى ئه‌وه‌ كرد ك پاريزگاگه‌ ئاماده‌س ئه‌را ئه‌نجامداين راپرسى له‌ 25 ئه‌يلوول ئاينده‌.

 

كه‌ريم له‌ به‌ياننامه‌يگ له‌ وه‌خت سه‌رۆكايه‌تيكردن دانيشتنيگ ئه‌را سه‌رۆكه‌يل شماره‌يگ له‌ ده‌زگايه‌يل خزمه‌تگوزارى وت: چالاكيه‌يل تاوانكارى چه‌ته‌يل ترۆريستى داعش روێ له‌ زيايبوين كردنه‌ له‌ ناوچه‌ێ حه‌وز حه‌مرين ك هه‌ڕه‌شه‌يگه‌ ئه‌را بان ئاسايش پاريزگايه‌يل دياله‌و تكريت و دويا په‌لاماريان له‌ ناوچه‌ێ زه‌رگه‌ شكه‌ست هاورد وه‌ده‌س هيزه‌يل پێشمه‌رگه‌و گشت په‌لامارده‌ره‌يليش كوشيان.

 

كه‌ريم وت: ئى زيايبوينه‌ له‌ چالاكيه‌يل ريكخرياگ ترۆريستى زويتر پيشبينى كرياوێد وه‌ بوونه‌ێ ره‌سين كرده‌وه‌يل ئازادكردن شار موسڵ ئه‌را قوناغه‌يل كووتايى و واين داعش ئه‌را حه‌ويجه‌و ناوچه‌يل جه‌وه‌ڵێ و نزيك له‌لێ.

 

جى باسه‌، له‌ باره‌ێ ئه‌نجامداين پرووسه‌ێ راپرسێ له‌ هه‌رێم كوردستانيش له‌ كووتايى مانگ ئه‌يلوول، كه‌ريم وت: ئه‌نجامداين راپرسێ مه‌سه‌له‌ێگ ديموكراسيه‌ ئه‌را زانستن راێ هاووڵاتيه‌يل و كه‌ركوكيش ئاماده‌س ئه‌را به‌شداريكردن له‌و راپرسيه‌.