هــــه‌واڵ كــوردى
توركيا ئاشكراێ كوشتن فيشتر له‌ 1800 چه‌كدار په‌كه‌كه‌ كرد

توركيا ئاشكراێ كوشتن فيشتر له‌ 1800 چه‌كدار په‌كه‌كه‌ كرد


شه‌فه‌ق نيوز/ ده‌سه‌ێ ئه‌ركان توركى ئاشكراێ كوشيان فيشتر له‌ 1800 چه‌كدار سه‌ر وه‌ ريكخرياگ حزب كارگه‌ره‌يل كوردستان كرد له‌ ماوه‌ێ 9 مانگ گوزه‌يشت.

 

ده‌سه‌ێ ئه‌ركان له‌ به‌ياننامه‌يگ وت: هيزه‌يل توركى له‌ ماوه‌ى ناونى 1 يناير/ كانون دويه‌م و 10ى سپته‌مبه‌ر/ ئه‌يلوول ئى مانگه‌، 562 كرده‌وه‌ێ سه‌ربازێ زه‌مينى و ئاسمانى ئه‌نجام دانه‌ وه‌ پشتگيرى ته‌ياره‌يل بى ته‌ياره‌وان و ته‌ياره‌يل ده‌ورێ له‌ناو و له‌ده‌يشت وڵات.

 

به‌ياننامه‌گه‌ وت: ئى هه‌ڵمه‌ته‌يله‌ بوينه‌سه‌ هووكار كوشيان 159 كه‌س له‌ هيزه‌يل توركى و فيشتر له‌ 1800 كه‌س له‌ چه‌كداره‌يل په‌كه‌كه‌ و ويرانكردن 887 بنگه‌ێ چه‌كداره‌يلێ وه‌ل كۆنترۆڵكردن فيشتر له‌ 1000 قومبه‌ڵه‌و مين و 1943 پارچه‌ چه‌ك و فيشتر له‌ 630 هه‌زار زه‌خيره‌ى گوله‌.