هــــه‌واڵ عــیراق
حكومه‌ت عراقى مه‌زاره‌يل ئێزيدى له‌ شه‌نگاڵ ئاوه‌دانه‌و ئه‌كا

حكومه‌ت عراقى مه‌زاره‌يل ئێزيدى له‌ شه‌نگاڵ ئاوه‌دانه‌و ئه‌كا


شه‌فه‌ق نيوز/ وه‌زاره‌ت ئاوه‌دانكردنه‌وه‌و نيشته‌جيكردن عراقى، ئاشكراى جيوه‌جيكردن هه‌ڵمه‌تيگ كرد ئه‌را ئاوه‌دانكردنه‌وه‌ى مه‌زاره‌يل ئێزيدى له‌ قه‌زاى شه‌نگاڵ.

 

له‌ى باوه‌ته‌و، ناوه‌ند ره‌سانن وه‌زاره‌ته‌گه‌ له‌ به‌ياننامه‌يگ ك شه‌فه‌ق نيوز ئاگادارێ بوى، وت: شاره‌وانى شه‌نگاڵ سه‌ر وه‌ وه‌ڕيه‌وبه‌رايه‌تى شاره‌وانيه‌يل گشتى هه‌ڵمه‌تيگ گه‌وراى خزمه‌تگوزارى ده‌سوه‌پيكردگه‌ له‌ ناوه‌ند قه‌زاگه‌ ك وازكردن رێه‌يل و لاوردن ويرانه‌يل گرته‌سه‌ خوه‌ى وه‌ل ئاماده‌كردن و ئاوادانكردنه‌وه‌ى مه‌زاره‌يل ئێزيدى جوور مه‌زاره‌يل" رشكا و شێخ حه‌سه‌ن و شه‌هيد" له‌ كويه‌ى شه‌نگاڵ، بيجگه‌ خاسه‌وكردن بڕيگ بنايه‌و باره‌گاێ حكومى جوور بنايه‌ى دادگاو بنايه‌ى ره‌گه‌زنامه‌.

 

به‌ياننامه‌گه‌ هه‌ميش وت: نزيكه‌ى (30.000) له‌ پاشمه‌نده‌ى ويرانه‌يل له‌ قه‌زاگه‌يش هه‌ڵگيرياگه‌و ئى هه‌ڵمه‌تيشه‌ وه‌رده‌وامه‌ له‌ ناوه‌ند و ده‌ورگرد قه‌زاى شه‌نگاڵ له‌وه‌ر هاوردنه‌وه‌ى ژيان و خزمه‌تگوزاريه‌يل ئه‌را هاوڵاتيه‌يل.