هــــه‌واڵ كــوردى
پۆليس ئاشكراكردنيگ دا له‌باره‌ى ته‌قه‌ى ناونى بريگ چه‌كدار و مه‌فره‌زه‌يگ له‌ سلێمانى

پۆليس ئاشكراكردنيگ دا له‌باره‌ى ته‌قه‌ى ناونى بريگ چه‌كدار و مه‌فره‌زه‌يگ له‌ سلێمانى


شه‌فه‌ق نيوز/ وه‌ڕيه‌وبه‌رايه‌تى پۆليس پاريزگاى سلێمانى، ئاشكراى كه‌فتنه‌وه‌ى ناكووكييگ كرد له‌ناونى بڕيگ چه‌كدار وه‌ سه‌ياره‌يگه‌وه‌و مه‌فره‌زيگ پۆليس هاتوچوو گشتى له‌ ناوڕاس شار سلێمانى.

 

له‌ى باوه‌ته‌و، شايه‌تحاڵه‌يل ئه‌وه‌ ده‌رخستن ك ئه‌و چه‌كاره‌يله‌ پاسه‌وان خالد خاڵه‌ سوور بوينه‌و ديره‌ وه‌ختيگ له‌ دويه‌شه‌و له‌ جاده‌ى سالم له‌ سلێمانى ناكووكى كه‌فته‌سه‌ ناونيان وه‌ل ئه‌و مه‌فره‌زه‌و ته‌قه‌ له‌ناونيان روێداگه‌.

 

پۆليس له‌ به‌ياننامه‌يگ ك شه‌فه‌ق نيوز ئاگادارى بوى وت: هيزه‌يل پۆليش گه‌ردينه‌سه‌ شوون ئه‌و تومه‌تباره‌يله‌و ماڵه‌يليان وشكاننه‌و بايه‌سه‌ خوه‌يان ته‌سليم بكه‌ن ئه‌را په‌جروويكردن و باس له‌وه‌يش كرد ك پۆليس ده‌ور ماڵه‌گه‌ى خالد خاڵه‌ سووريش داگه‌و داواى ته‌سليمكردن كوڕه‌گه‌ى كردگه‌.