هــــه‌واڵ كــوردى
راوێژكار بارزانى باس له‌ واده‌ى ئه‌نجامداين راپرسى كرد

راوێژكار بارزانى باس له‌ واده‌ى ئه‌نجامداين راپرسى كرد


شه‌فه‌ق نيوز/ محه‌مه‌د حاجى راوێژكار سياسى مه‌سعود بارزانى سه‌رۆك هه‌رێم كوردستان، ئاشكراى ئه‌وه‌ كرد ك شايه‌ت گشت لايه‌نه‌يل سياسى له‌ هه‌رێم ته‌نيا بزووتنه‌وه‌ى گۆڕان نه‌ود نوێنه‌ره‌يل خوه‌يان له‌ ليژنه‌ى راپرسى دامه‌زرنن و باس له‌وه‌يش كرد ك شايه‌ت له‌ مانگ ئاب ئاينده‌ راپرسى ئه‌نجام بدريه‌ێد.

 

حاجى وت: سه‌رۆكايه‌تى هه‌رێم داوا له‌ هيز و لايه‌نه‌يل سياسى كردگه‌ نوێنه‌ره‌يليان له‌ ليژنه‌ێ راپرسى دامه‌زرنن و زوورم لايه‌نه‌يليش نوێنه‌ره‌يل خوه‌يان ديارى كردنه‌و ئاماده‌ن ئه‌را دامه‌زراننيان له‌ ليژنه‌گه‌.

 

جى باسه‌، حاجى هه‌ميش وت: ته‌نيا بزووتنه‌وه‌ى گۆڕان تائيسه‌ ئاماده‌ نيه‌ نوێنه‌ر خوه‌ێ ديارى بكا له‌ ليژنه‌گه‌و باس له‌وه‌يش كرد ك پيشبينى ئه‌كريه‌ێد له‌ ئاب ئاينده‌ راپرسى ئه‌نجام بدريه‌ێد و ته‌نيا ئه‌وه‌ مينێد ك ته‌كليف كومسيۆن هه‌ڵوژاردنه‌يل بكريه‌ێد ئاماده‌گى خوه‌ێ ته‌مام بكا ئه‌را ئه‌نجامداين ئى راپرسيه‌.