هــــه‌واڵ كــوردى
يه‌كه‌م په‌رله‌مانتار كورد وه‌رگرتن خانه‌نشينى ره‌ته‌و ئه‌كا

يه‌كه‌م په‌رله‌مانتار كورد وه‌رگرتن خانه‌نشينى ره‌ته‌و ئه‌كا


شه‌فه‌ق نيوز/ يه‌كيگ له‌ ئه‌ندامه‌يل په‌رله‌مان كوردستان له‌ خول وه‌رين له‌بان پارت ديموكرات كوردستان، ره‌تيه‌و كرد ك بڕه‌ پويل ته‌رخانكرياێ خانه‌نشينى وه‌ربگرێد و بڕيار دا بچێده‌و ئه‌را پيشه‌ وه‌رينه‌گه‌ى خوه‌ى جوور مامۆستاى زانكۆ.

 

فرسه‌ت سۆفى ئه‌ندام فراكسيۆن پارت ديموكرات كوردستان له‌ په‌رله‌مان كوردستان له‌ خول چواره‌م، بڵاوكرياگيگ له‌بان لاپه‌ڕه‌ێ خوه‌ى له‌ فه‌يسبوك بڵاو كرد ك پيكهات له‌ كتاويگ فه‌رمى و له‌لايه‌ن سه‌رۆكايه‌ى په‌رله‌مانه‌و ده‌رچيه‌و له‌تى ئاماژه‌ وه‌ ئه‌وه‌ كرياگه‌ ك سۆفى ئه‌چێده‌و ئه‌را پيشه‌ بنه‌ڕه‌تيه‌گه‌ێ خوه‌ى جوور مامۆستاى زانكۆ له‌ زانكۆى پۆليتكنيك.

 

وه‌ گووره‌ى ئه‌و كتاو سه‌رۆكايه‌تى په‌رله‌مانه‌ له‌ ريككه‌فت 3ى كانون دويه‌م ئيسه‌، ئه‌وه‌ ده‌ركه‌فتگه‌ ك وه‌بوونه‌ى داواكاريه‌گه‌ێ سۆفى بڕيار داگه‌ بچێده‌و ئه‌را پيشه‌ بنه‌ڕه‌تيه‌گه‌ى خوه‌ى جوور مامۆستاى زانكۆ و معامله‌ى خانه‌نشينى پيشكه‌ش نه‌كردگه‌ جوور ئه‌نداميگ په‌رله‌مان.

 

جى باسه‌، سۆفى نويساگه‌: ك وه‌ل سه‌ره‌تاى وه‌ ئه‌ندامبوينى له‌ په‌رله‌مان ك له‌دوياى ته‌واوبوين خول په‌رله‌مانى پويل خانه‌نشينى وه‌رناگرێد و ئه‌چێده‌و ئه‌را كاره‌ وه‌رينه‌گه‌ێ.