هه‌مه‌ڕه‌نگ
ڤایرۆسيگ هه‌ڕه‌شه‌ له‌ژیان 900 ملیۆن كه‌س ئه‌كا

ڤایرۆسيگ هه‌ڕه‌شه‌ له‌ژیان 900 ملیۆن كه‌س ئه‌كا


شه‌فه‌ق نيوز/ په‌یمانگايگ دیار پزیشكی ئه‌مریكا هووشداری دا له‌وه‌گ ڤایرۆسيگ مه‌ترسیدار هه‌ره‌شه‌ له‌ژیان 900 ملیۆن كه‌س ئه‌كا له‌ حاڵه‌تيگ ئه‌گه‌ر پزيشكه‌يل چاره‌سه‌ريگ خاس ئه‌راى وه‌دى نه‌كه‌ن.

 

له‌ى باوه‌ته‌و، ماڵپه‌ڕ" ساینس ئالرێت " بڵاويه‌و كردگه‌‌، ڤایرۆس "كڵاد ئێكس" ك‌ له‌ناو زنجیره‌ی ئه‌نفلۆنزايه‌يل وجوود ديرێد‌، ئيسه‌ بويه‌سه‌ مه‌ترسى گه‌ورايگ له‌ جه‌هان ك وه‌ بوونه‌ى ئه‌و ڤايرۆسه‌و ته‌نيا له‌ ماوه‌ى يه‌ك هه‌فته‌ 400 كه‌س تويش هاتنه‌و له‌و شماره‌يشه‌ 50 كه‌س مردنه‌ ك زوورميان خه‌ڵك شار فرانكفۆرت ئه‌ڵمانياو كاراكاس فه‌نزويلا بوينه‌.

 

جى باسه‌، پزيشكه‌يل هووكاريگ دياريكرياێ ئه‌را تويشبوين وه‌ نه‌خوه‌شى كڵاد ئيكس په‌يا نه‌كردنه‌ ك له‌ڕێ قوته‌وه‌ جيواز ئه‌دێ و پله‌ى گه‌رماى له‌ش وه‌شيوه‌ى فريه‌يگ به‌رزه‌و ئه‌دێ، وه‌لێ سه‌رجه‌ميان كووكن له‌بان ئه‌وه‌گ ڤايرۆسه‌گه‌ كوشنده‌س.