هــــه‌واڵ عــیراق
وه‌ به‌ڵگه‌.. حه‌شد دعايه‌يل "ته‌مه‌دن" له‌ تلكێف قه‌يه‌غه‌ كرد

وه‌ به‌ڵگه‌.. حه‌شد دعايه‌يل "ته‌مه‌دن" له‌ تلكێف قه‌يه‌غه‌ كرد


شه‌فه‌ق نيوز/ هيزه‌يل حه‌شد شه‌عبى نواگيرى له‌ داناين ره‌سم و دعايه‌يل هه‌ڵوژاردن يه‌كيگ له‌ كانديده‌يل "ته‌مه‌دن" كرد له‌ قه‌زاى تلكێف سه‌ر وه‌ پاريزگاى نه‌ينه‌وا.

 

وه‌ گووره‌ى شكايه‌ت كومسيۆن ك روينويسيگى كه‌فته‌ ده‌س شه‌فه‌ق نيوز، ئه‌وه‌ ده‌ركه‌فت ك حه‌شد شه‌عبى نواگيرى له‌ ئه‌حمه‌د عه‌لى محه‌مه‌د مه‌كى كانديد كردگه‌ ره‌سم و دعايه‌يل هه‌ڵوژاردنى دابنه‌ێد له‌ قه‌زاى تلكێف ك هه‌رچه‌نى په‌يوه‌ندييش كرده‌سه‌ ره‌يان ئه‌لكلدانى وه‌رپرس حه‌شد بابليون، وه‌لێ نواگيرى له‌لى گرياگه‌ بچێده‌ ناو شاره‌گه‌و هه‌ڕه‌شه‌يش له‌لى كرياگه‌ جاريگتر روێ له‌و شاره‌ نه‌كا.

 

جى باسه‌، به‌ڵگه‌يگ ئاماژه‌ وه‌ ئه‌وه‌ ئه‌كا ك هه‌ڕه‌شه‌ له‌ عه‌ره‌ب و توركمانه‌يليش ئه‌كريه‌ێد له‌ حاڵه‌تيگ ئه‌گه‌ر ده‌نگ وه‌ يه‌كيگ له‌ كانديده‌يل لايه‌نيگ سياسى سه‌ر وه‌ حه‌شد بابليون نه‌يه‌ن.