هــــه‌واڵ عــیراق
ئه‌نجومه‌ن نه‌ينه‌وا خوازياره‌ سزاێ سه‌خت سه‌به‌بكاره‌يل رميان موسڵ بدريه‌ێد‌

ئه‌نجومه‌ن نه‌ينه‌وا خوازياره‌ سزاێ سه‌خت سه‌به‌بكاره‌يل رميان موسڵ بدريه‌ێد‌


شه‌فه‌ق نيوز/ ئه‌نجومه‌ن پاريزگاێ نه‌ينه‌وا داوا له‌ لايه‌نه‌يل دادوه‌رى كرد سزاێ سه‌خت ئه‌و كه‌سه‌يله‌ بيه‌ێد ك هووكار رميان شار موسڵ بوينه‌ له‌بان ئاكام ليژنه‌ێ په‌رله‌مانى ك زويتر په‌يجورييگ له‌ى باوه‌ته‌و ئه‌نجام دا.

 

له‌ى باوه‌ته‌و، حوسام ئه‌لعه‌بار ئه‌ندام ئه‌نجومه‌نه‌گه‌ وت: داواكاريم سزاێ سه‌خت ئه‌و كه‌سه‌يله‌ بدريه‌ێد ك هووكار رميان پاريزگاگه‌ بوين و ئى روێداگه‌ وه‌بى هه‌قه‌وكردن گوزه‌ر نه‌كار له‌بان ئه‌و كه‌سه‌يله‌.

 

جى باسه‌، ناوبرياێ هه‌ميش وت: ئه‌و كاره‌ساته‌يل فريه‌ ك ره‌سيه‌ بڕيگ له‌ پاريزگايه‌يل و رووڵه‌يليان بيجگه‌ خه‌ڵك موسڵ بايه‌سه‌ وه‌ جددێ و وژانه‌و ته‌ماشا بكريه‌ێد و سزا له‌بان سه‌به‌بكاره‌يليان جيوه‌جى بكريه‌ێد له‌وه‌ر ئه‌وه‌گ كاره‌سات تر تازه‌ نه‌كه‌فێده‌و.