هــــه‌واڵ عــیراق
ده‌عوه‌ خوه‌يكيشاوه‌و مالكى وعبادى وه‌ جياجيا به‌شدارى هه‌ڵوژاردنه‌يل ئه‌كه‌ن

ده‌عوه‌ خوه‌يكيشاوه‌و مالكى وعبادى وه‌ جياجيا به‌شدارى هه‌ڵوژاردنه‌يل ئه‌كه‌ن


شه‌فه‌ق نيوز/ عه‌لى عه‌لاق سه‌ركرده‌ له‌ حزب ده‌عوه‌، ئاشكراى خوه‌يكيشانه‌وه‌ى حزبه‌گه‌ى كرد له‌ هه‌ڵوژاردنه‌يل و باس له‌وه‌يش كرد ك هه‌ر يه‌ك له‌ نورى مالكى جيگر سه‌رۆك كۆمار سه‌ركرده‌ى ده‌وڵه‌ت ياساو حه‌يده‌ر عبادى سه‌رۆك ئه‌نجومه‌ن وه‌زيره‌يل وه‌ دو ليست جياجيا به‌شدارى هه‌ڵوژاردنه‌يل ئه‌كه‌ن.

 

عه‌لاق له‌ به‌ياننامه‌يگ وت: سه‌ركردايه‌تى حزب ده‌عوه‌ وه‌ ئاماده‌بوين مالكى و عبادى دانيشتنيگ له‌ى باوه‌ته‌و ئه‌نجام داگه‌و له‌و دانيشتنه‌ ريككه‌فتنه‌ له‌بان ئه‌وه‌گ مالكى سه‌رۆكايه‌تى ده‌وڵه‌ت ياسا بكاو عبادييش سه‌رۆكايه‌تى سه‌ركه‌فتن و خاسسازى بكا له‌ هه‌ڵوژاردنه‌يل و حزبگيش سه‌رپه‌رشى گشتى له‌بان هه‌ردوگ ليسته‌گه‌ بكا وه‌بى داوه‌زانى له‌ ليسته‌يل هه‌ڵوژاردن.

 

جى باسه‌، عه‌لاق هه‌ميش وت: له‌ى باوه‌تيشه‌و ئاگادار كومسيۆن باڵاى سه‌روه‌خوه‌يى هه‌ڵوژاردنه‌يل كرياگه‌.