هــــه‌واڵ جیــهانى
كۆرياى باكوور "پلان جه‌نگ" نه‌ياره‌يلى دزى

كۆرياى باكوور "پلان جه‌نگ" نه‌ياره‌يلى دزى


شه‌فه‌ق نيوز/ رووژنامه‌ى "فايننشال تايمز" باس له‌وه‌ كرد ك كۆرياى باكوو به‌ڵگه‌يليگ سه‌ربازى فريه‌ نهێنى دزيه‌ ك په‌يوه‌سه‌ وه‌ پلانه‌يل جه‌نگ ده‌وڵه‌ته‌يل هاوپه‌يمان دژى.

 

له‌ى باوه‌ته‌و، فايننشاڵ تايمز له‌ زووان سه‌رچه‌وه‌يگ له‌ كۆرياى باشوور وت: به‌ڵگه‌يليگ سه‌ربازى نهێنى ك باوه‌ڕ ئه‌وه‌سه‌ ساڵ گوزه‌يشت له‌لايه‌ن هاككه‌ره‌يل كۆرياى باكووره‌و دزرياوێد ك ئاماژه‌ وه‌ ئه‌وه‌ ئه‌كا پلانه‌يليگ سه‌ربازى هاوبه‌ش ناونى كۆرياى باشوور و وڵاته‌يل يه‌كگرتگ له‌تى بدێ له‌ سه‌رده‌م كيشمه‌كيش وه‌ل بيونغ يانغ.

 

جى باسه‌، ئاماژه‌ وه‌يه‌يش ئه‌كريه‌ێد ك 235 گيگابايت له‌و به‌ڵگه‌يله‌ دزرياگه‌و هيمان تائيسه‌يش 80 له‌سه‌د له‌و به‌ڵگه‌يل دزرياگه‌ ديارى نه‌كريانه‌.