هــــه‌واڵ جیــهانى
دوياى 5 رووژ له‌ ئارامى جاريگتر توركيا ده‌سكرده‌ بوردمانكردن عه‌فرين

دوياى 5 رووژ له‌ ئارامى جاريگتر توركيا ده‌سكرده‌ بوردمانكردن عه‌فرين


شه‌فه‌ق نيوز/ ته‌ياره‌يل جه‌نگى توركى جاريگتر ده‌سكردنه‌ ئه‌نجامداين په‌لاماره‌يليان ئه‌را بان ناوچه‌ى عه‌فرين سورى، ئه‌ويش دوياى 5 رووژ له‌ ئارامى له‌ئاكام خستنه‌خواره‌وه‌ێ ته‌ياره‌يگ جه‌نگى روسى له‌ شوونيگ تر له‌ سوريا.

 

له‌ى باوه‌ته‌و، ئاژانس فه‌رمى ئه‌نادۆل توركى وت: ته‌ياره‌يل توركى شه‌ش بنگه‌ى فه‌سيله‌يل كورد  وه‌لاى كه‌مه‌و بوردمان كردنه‌، وه‌لێ هويچ زانيارييگ له‌بان زه‌ره‌ده‌يل بڵاو نه‌كرد.

 

جى باسه‌، توركيا له‌ 20 يه‌نايه‌ر ده‌سكرده‌ ئه‌نجامداين په‌لاماره‌يلێ ئه‌را بان عه‌فرين دژ يه‌كه‌يل پاسه‌وان ملله‌ت كورد ك باوه‌ڕێ ئه‌وه‌سه‌ باڵيگه‌ چه‌كدار سه‌ر وه‌ پارت كارگه‌ره‌يل كوردستان ك ئه‌را ماوه‌ى 3 ده‌يه‌سه‌ جه‌نگ دژ ئه‌نقه‌ره‌ ئه‌كا.