هــــه‌واڵ عــیراق
كوتله‌يل سياسى روێ وه‌ڕوێ يه‌كترێ بوينه‌سه‌و له‌وه‌ر هه‌ڵوژانن كانديد ناوخوه‌يى

كوتله‌يل سياسى روێ وه‌ڕوێ يه‌كترێ بوينه‌سه‌و له‌وه‌ر هه‌ڵوژانن كانديد ناوخوه‌يى


شه‌فه‌ق نيوز/ سه‌رچه‌وه‌يليگ سياسى باس له‌وه‌ كردن ك هاوپه‌يمانى بنياتناين ك هه‌ر يه‌ك له‌ فه‌تح و ده‌وڵه‌ت ياسا گرته‌سه‌ خوه‌ى و هاوپه‌يمانى خاسسازى ك سائيرون و حكمه‌ى نيشتمانى و نه‌سر گرته‌سه‌ خوه‌ێ ده‌سكردنه‌سه‌ گرده‌وكردن نوێنه‌ره‌يل له‌وه‌ر خاتر هه‌ڵوژانن فالح فه‌ياز ئه‌را پۆست وه‌زاره‌ت ناوخوه‌يى وه‌ نسبه‌ت ئه‌را بنياتناين و جيوه‌جى نه‌كردنى وه‌نسبه‌ت ئه‌را سائيرون.

 

له‌ى باوه‌ته‌و، نه‌عيم عه‌بودى ئه‌ندام په‌رله‌مان له‌بان كوتله‌ى فه‌تح جه‌خت له‌وه‌ كرد ك كابينه‌ى حكومى وه‌ ته‌واوى پيشكه‌ش ئه‌كريه‌ێد و له‌وانه‌يش فه‌ياز ئه‌را په‌رله‌مان و له‌حاڵه‌تيگيش ئه‌گه‌ر ناكووكييگ بوێ له‌ناونى ئيمه‌و سائيرون له‌و باوه‌ته‌و، ئه‌وه‌ هه‌ر بايه‌سه‌ بنه‌مايه‌يليگ بدێ ئه‌را ئه‌و ناكووكيه‌يله‌.

 

عه‌بودى هه‌ميش وت: يه‌كيگ له‌و بنه‌مايه‌يل ناكووكيه يا ئه‌وه‌سه‌ فه‌ياز متمانه‌ى په‌رله‌مانتاره‌يل وه‌ربگرێد و بدێده‌ وه‌زير ناوخوه‌يى يا ره‌ته‌و بكريه‌ێد له‌ حاڵه‌تيگ ئه‌گه‌ر كوتله‌ى سائرون بتويه‌نێد زياتر له‌ نيه‌مه‌و يه‌ك ده‌نگ وه‌ده‌س بارێد، چوينكه‌ ئه‌و بنه‌مايه‌يله‌ هه‌ر وه‌ك خوه‌يان مينن و يه‌يش ماناى شكانن ئيراده‌ نيه‌.