هــــه‌واڵ عــیراق
عه‌بادى باوه‌ڕێ ئه‌وه‌سه‌ كوتله‌ى گه‌ورا له‌ڕوێ شماره‌وه‌ يه‌كلاوه‌ بويه‌

عه‌بادى باوه‌ڕێ ئه‌وه‌سه‌ كوتله‌ى گه‌ورا له‌ڕوێ شماره‌وه‌ يه‌كلاوه‌ بويه‌


شه‌فه‌ق نيوز/ حه‌يده‌ر عه‌بادى سه‌رۆك وه‌زيره‌يل عراقى، جه‌خت له‌ يه‌كلاكردنه‌وه‌ى مه‌سه‌له‌ى كوتله‌ى گه‌ورا كرد ئه‌را دامه‌زرانن حكومه‌ت ئاينده‌.

 

عه‌بادى له‌ كۆنگره‌ى هه‌فتانه‌ى خوه‌ى ك شه‌فه‌ق نيوز ئاگادارێ بوێ وت: كوتله‌ى گه‌ورا له‌ڕوێ شماره‌و له‌بان ئاست ليسته‌يل يه‌كلاوه‌ بويه‌، ئه‌ويش وه‌ گووره‌ى شيه‌وكردن دادگاى ناوه‌ندى و مادده‌ى 19 له‌ ياساى حزبه‌يل.

 

عه‌بادى داوايش له‌ فراكسيۆنه‌يل سياسى كرد له‌نوو بنيشن له‌بان مێز گفتگوو و پابه‌ند بوون وه‌ واده‌يل ده‌ستوورى ئه‌را هه‌ڵوژانن سه‌رۆك په‌رله‌مان.