هــــه‌واڵ عــیراق
پارتى كيشه‌ێ به‌شدارى ئه‌ندامه‌يل له‌ راپرسێ يه‌كلاوه‌ كرد

پارتى كيشه‌ێ به‌شدارى ئه‌ندامه‌يل له‌ راپرسێ يه‌كلاوه‌ كرد


شه‌فه‌ق نيوز/ موحسن ئه‌لسه‌عدون سه‌ركرده‌ له‌ پارت ديموكرات كوردستان، وت: ئه‌و كيشه‌ ك سه‌رهه‌ڵدا وه‌ بوونه‌ى نوێنه‌ره‌يل كورد ك به‌شدارى له‌ راپرسى هه‌رێم كردن له‌ 25 ئه‌يلوول گوزه‌يشت، يه‌كلاوه‌ كريا.

 

ئه‌لسه‌عدون ئه‌را(شه‌فه‌ق نيوز)وت: ئه‌و ڕى وشوونه‌يله‌ ك ئه‌نجومه‌ن نوێنه‌ره‌يل عراقى گرته‌ى وه‌ر وه‌ بوونه‌ى نوێنه‌ره‌يل كورد ك به‌شدارى كردن له‌ راپرسى به‌رزه‌و نه‌كريا ئه‌را دادگا، به‌ڵكوو مه‌سه‌له‌گه‌ هيمان ها لاى ده‌سه‌ێ سه‌رۆكايه‌تى و يه‌كلاوه‌ كرياگه‌.

 

جى باسه‌، ئه‌لسه‌عدون هه‌ميش وت: دادگاى باڵاى ناوه‌ندى باس له‌ بڕياره‌گه‌ى مانگ گوزه‌يشتى كرد له‌بان گشت رى وشوونه‌يليگ ك گيرياسه‌ وه‌ر له‌ئاكام راپرسى و له‌وانه‌يش ئه‌و رى وشوونه‌يله‌ ك په‌رله‌مان گرته‌ى وه‌ر و ئيسه‌يش نوێنه‌ره‌يل كورد ئاماده‌ى دانيشتنه‌يل بوون وه‌شيوه‌يگ ئاسايى و كيشه‌ى دژ ئيمه‌يش نيمچه‌ ته‌واويگ بويه‌.