هــــه‌واڵ عــیراق
بنگه‌يگ پۆليس له‌ به‌غدا 687 شكايه‌ت دادگايى له‌ تاوانه‌يل كوشتن شار‌ده‌سه‌و

بنگه‌يگ پۆليس له‌ به‌غدا 687 شكايه‌ت دادگايى له‌ تاوانه‌يل كوشتن شار‌ده‌سه‌و


شه‌فه‌ق نيوز/ وه‌ريه‌وبه‌رايه‌تى پۆليس به‌غدا/ رسافه‌، ئاشكراێ ئه‌وه‌ كرد ك 687 شكايه‌ت دادگايى له‌ تاوانه‌يل كوشتن و تاوانه‌يل تر شارياسه‌و له‌لاێ يه‌كيگ له‌ بنگه‌يل پۆليس سه‌ر وه‌ وه‌ريه‌وبه‌رايه‌تى پۆليس حسه‌ينيه‌ وه‌بى له‌وه‌رگرتن رى وشوونه‌يل ياسايى.

 

وه‌ريه‌وبه‌رايه‌تيه‌گه‌ له‌ به‌ياننامه‌يگ وت: مه‌فره‌زه‌ێ وشكانن وه‌ڕيه‌وبه‌رايه‌تى پۆليس به‌غدا/ رسافه‌ سه‌ر وه‌ نويسينگه‌ێ وشكاننكار گشتى وزاره‌ت ناوخوه‌يى تويه‌نستگه‌ شاردنه‌وه‌ێ 687 شكايه‌ت دادگايى له‌ بنگه‌يگ پۆليس سه‌ر وه‌ وه‌ڕيه‌وبه‌رايه‌تى پۆليس حسه‌ينيه‌ ئاشكرا بكا تايبه‌ت وه‌ تاوانه‌يل كوشتن و تاوانه‌يل تر له‌ناو دوڵابه‌يل بنگه‌گه‌ وه‌بى ئه‌وه‌گ رى وشوونه‌يل ياسايى ئه‌رايان له‌وه‌ر بگريه‌يد.

 

جى باسه‌، وه‌ڕيه‌وبه‌رايه‌تيه‌گه‌ هه‌ميش وت: مه‌فره‌زه‌گه‌ مه‌حزه‌ريگ ئسوڵى ريكخستگه‌ وه‌و شكايه‌ته‌يله‌و ئيفاده‌ى ئه‌فسه‌ره‌يل بنگه‌گه‌يش وه‌رگرتگه‌و ئاگادار وه‌ريه‌وبه‌رايه‌تى وشكانن به‌غدايش كردگه‌ ئه‌را دامه‌زرانن ليژنه‌يگ ئه‌نجومه‌ن په‌يجورێ وه‌و مه‌سه‌له‌ ئه‌را ده‌رخست ئه‌فسه‌ره‌يل وه‌رپرس له‌و دوسيه‌يل شارياگه‌.