هــــه‌واڵ كــوردى
له‌ كوردستان داواى قه‌يه‌غه‌ێ نمايشكردن "ژه‌هر" درامايه‌يل توركى ئه‌كريه‌ێد

له‌ كوردستان داواى قه‌يه‌غه‌ێ نمايشكردن "ژه‌هر" درامايه‌يل توركى ئه‌كريه‌ێد


شه‌فه‌ق نيوز/ ريكخرياگيگ له‌ هه‌رێم كوردستان، داوا له‌ وزاره‌ت رووشنهويرى له‌ حكومه‌ت هه‌رێم كرد قه‌يه‌غه‌ێ نمايشكردن درامايه‌يل توركى بكا له‌ كه‌ناڵه‌يل ته‌له‌فزيۆنى.

 

له‌ى باوه‌ته‌و، ريكخرياگ كوردبيديا له‌ به‌ياننامه‌يگ وت: كه‌ناڵه‌يل ئاسمانى له‌ هه‌رێم كوردستان، دارمايه‌يل دۆبلاج كرياێ توركى دژ كورد وه‌ زووان كوردى بڵاو ئه‌كه‌ن ك باس له‌ تورانيه‌يل و عوسمانيه‌يل و كه‌ماليسته‌يل ئه‌كاو ئى دارمايه‌يليشه‌ وه‌ ژه‌هر تاريف كرد.

 

جى باسه‌، به‌ياننامه‌گه‌ يه‌يش ده‌رخست ك داوا له‌ وزاره‌ته‌گه‌ ئه‌كريه‌ێد ئى دارمايه‌يل توركيه‌ له‌ كه‌ناڵه‌يل ته‌له‌فزيۆنى كوردستان قه‌يه‌غه‌ بكريه‌ن وه‌ ئه‌وه‌گ مه‌ترسى ديرێد له‌بان كۆمه‌ڵگاى كوردى.