هــــه‌واڵ عــیراق
نه‌ته‌وه‌يل يه‌كگرتگ هه‌ڵويست خوه‌ى له‌ روێداگه‌يل به‌سره‌ ده‌رخست

نه‌ته‌وه‌يل يه‌كگرتگ هه‌ڵويست خوه‌ى له‌ روێداگه‌يل به‌سره‌ ده‌رخست


شه‌فه‌ق نيوز/ يان كوبيتش نوێنه‌ر تايبه‌ت ئه‌ميندار گشتى له‌ عراق نگه‌رانى خوه‌ى ده‌رخست له‌ وه‌رانوه‌ر كه‌فتنه‌وه‌ى قوربانيه‌يل له‌وه‌خت خوه‌ينيشانداينه‌يل له‌ پاريزگاى به‌سره‌ وه‌ بوونه‌ى ده‌رخستن ناڕه‌زايه‌تى له‌بان خراوى خزمه‌تگوزارى.

 

كۆبيتش له‌ به‌ياننامه‌يگ ك شه‌فه‌ق نيوز ئاگادارى بوى داواى ئارامى كرد و ئاگادارى دا ده‌سڵاته‌يل ئه‌را دويرگرتن له‌ مه‌سه‌له‌ى وه‌كارهاوردن هيز كوشنده‌ دژ خوه‌ينيشانده‌ره‌يل وه‌ل دابينكردن مقه‌يه‌تى ته‌واويگ ئه‌را خه‌ڵك به‌سره‌.

 

جى باسه‌، نوێنه‌ر تايبه‌ت ئه‌ميندار گشتى له‌ عراق داواى ئه‌وه‌يش كرد هه‌وڵ فريه‌يگ بدريه‌ێد ئه‌را ده‌سه‌وه‌ركردن داواكاريه‌يل ره‌واى مه‌ردم ئه‌و پاريزگاو دابينكردن ئاو پاك و كاره‌باو خزمه‌تگوزاريه‌يل تر ئه‌رايان.