هــــه‌واڵ جیــهانى
واشنتۆن له‌وه‌ر داعش ميواندارى 68 ده‌وڵه‌ت ئه‌كا

واشنتۆن له‌وه‌ر داعش ميواندارى 68 ده‌وڵه‌ت ئه‌كا


شه‌فه‌ق نيوز/ وڵاته‌يل يه‌كگرتگ ئه‌مريكى ئه‌وه‌ ده‌رخست ك ميواندارى دانيشتن وه‌زيره‌يل خارجيه‌ى 68 ده‌وڵه‌ت ئه‌كا له‌ هه‌ردوگ رووژه‌يل 22 و 23 ئادار له‌وه‌ر تاوتوێكردن ريه‌يليگ ئه‌را له‌ناوبردن ريكخرياگ ترۆريستى داعش.

 

له‌ى باوه‌ته‌و، مارك تۆنز قسه‌كه‌ر وه‌ناو وزاره‌ت خارجيه‌ى ئه‌مريكى وت: دانيشتن هاوپه‌يمان وه‌ سه‌رۆكايه‌تى وڵاته‌يل يه‌كگرتگ له‌ وزاره‌ت خارجيه‌ له‌ واشنتۆن له‌ 22 ئادار ساز ئه‌كريه‌ێد، ك يه‌يش يه‌كه‌مين دانيشتنه‌ ئه‌را گشت ده‌وڵه‌ته‌يل ئه‌ندام له‌ هاوپه‌يمان ناوده‌وڵه‌تى له‌وه‌ر روى وه‌ڕوى بوينه‌وه‌ى داعش ك شماره‌يان 68 ده‌وڵه‌ته‌.

 

جى باسه‌، تۆنز هه‌ميش وت: له‌و دانيشتنه‌ باس له‌ گشت لايه‌نه‌يل هه‌ڵمه‌تكردن ئه‌كريه‌ێد، وه‌لێ دانيشتنه‌گه‌ دقه‌ت له‌بان چوينێتى زيايكردن توانايه‌يل و روى وه‌ڕوى بوينه‌وه‌ى روێداگه‌يل ئاينده‌ ئه‌كا.