هــــه‌واڵ كــوردى
كوردستان ناڕه‌زايى و نگه‌رانى خوه‌ى وه‌ فه‌رمى ره‌سانه‌ ئيران

كوردستان ناڕه‌زايى و نگه‌رانى خوه‌ى وه‌ فه‌رمى ره‌سانه‌ ئيران


شه‌فه‌ق نيوز/ حكومه‌ت هه‌رێم كوردستان، ئاشكراى ئه‌وه‌ كرد ك وه‌ فه‌رمى ئاگادار ئيران كردگه‌ له‌ مه‌سه‌له‌ێ ره‌ته‌وكردن لێدوانه‌يل بڕيگ له‌ وه‌رپرسه‌يل ته‌هران ك هه‌ولێر وه‌ ئه‌وه‌ تومه‌تبار كردن ك گوايا ده‌س له‌ خوه‌ينيشانداينه‌يل مه‌ردمى داشتگه‌.

 

له‌ى باوه‌ته‌و، فه‌لاح مسته‌فا وه‌رپرس ده‌زگاى په‌يوه‌نديه‌يل خارجى له‌ حكومه‌ت هه‌رێم كوردستان‌ ديداريگ وه‌ل سيامه‌ك بورهانى جيگر باڵوێز ئيرانى له‌ هه‌ولێر ساز كرد و وه‌فه‌رمييش ئاگادارى كرد له‌ نگه‌رانى و ره‌ته‌وكردن لێدوانه‌يل محسن ره‌زايى ئه‌ميندار گشتى ئه‌نجومه‌ن ده‌سنيشانكردن به‌رژه‌وه‌نديه‌يل ئيران ك له‌تى تومه‌تبار هه‌ولێر كرد وه‌ پلان و ئداركردن خوه‌ينيشانداينه‌يل ك شاره‌يل ئيران ئه‌را ماوه‌ى ده‌ هه‌فته‌سه‌ گرته‌سه‌ وه‌ر.

 

ده‌زگاى په‌يوه‌نديه‌يل خارجى له‌ به‌ياننامه‌يگ ك شه‌فه‌ق نيوز ئاگادارى بوى، وت ئه‌و ديداره‌ وه‌ ئاماده‌بوين عه‌بدوڵڵا ئاكره‌يى وه‌ڕيه‌وبه‌ر گشى له‌ ده‌زگاگه‌ ئه‌نجام گرتگه‌ ك له‌تى فه‌لاح مسته‌فا لێدوانه‌يل ره‌زايى ره‌ته‌و كردگه‌و له‌ هه‌مان وه‌خت وه‌ لێدوانه‌يليگ نالايه‌ق و دژ وه‌ په‌يوه‌نديه‌يل ناونى هه‌رێم و ئيران تاريفى كردگه‌.

 

جى باسه‌، به‌ياننامه‌گه‌ يه‌يش ده‌رخست ك له‌لايه‌ن خوه‌ييشه‌و، سيامه‌ك بورهانى جه‌خت له‌وه‌ كردگه‌ ك ئه‌و نگه‌رانى هه‌رێمه‌ وه‌ شيوه‌ێگ جددى بڕه‌سنێده‌ گه‌ورا وه‌رپرسه‌يل له‌ وڵاته‌گه‌ێ.