هــــه‌واڵ عــیراق
ئيران خه‌ڵك به‌سره‌ له‌ سزانن باليۆزخانه‌گه‌ى بيتاوان ئه‌كاو ده‌وڵه‌تيگ عه‌ره‌بى تومه‌تبار كرد

ئيران خه‌ڵك به‌سره‌ له‌ سزانن باليۆزخانه‌گه‌ى بيتاوان ئه‌كاو ده‌وڵه‌تيگ عه‌ره‌بى تومه‌تبار كرد


شه‌فه‌ق نيوز/ عه‌ميد حه‌سه‌ن ده‌هقان راوێژكار رابه‌ر ئيرانى، تومه‌تبار سعوديه‌ كرد وه‌ هانداين مه‌ردم دژ ته‌هران له‌ به‌سره‌ ئه‌را سزانن باليۆزخانه‌گه‌ى له‌و پاريزگا.

 

ده‌هقان له‌ ديمانه‌يگ وه‌ل ته‌له‌فزيۆن "ئاڕ تى" رووسى ك شه‌فه‌ق نيوز ئاگادارێ بوێ وت: خراوه‌كارييش وه‌رانوه‌ر ده‌زگايه‌يل حكومى عراقييش ئه‌نجام درياو سعوديه‌يش ئه‌خوازێد بويشێد ئه‌گه‌ر حكومه‌تيگ عراقى نزيك له‌ ئيران ئه‌خوازين ئه‌يه‌ ئاكامه‌گه‌يه‌ جوور ئه‌وه‌گ له‌ به‌ره‌ روێ ئه‌ياد.

 

ده‌هقان هه‌ميش وت: خه‌ڵك به‌سره‌ تويش فشاره‌يل ئابوورى ئه‌يه‌ن و ئه‌وان باڵيۆزخانه‌ى ئيران له‌ پاريزگاگه‌يان نه‌سزاننه‌و ئه‌وان داواى ئاو و كاره‌باو خزمه‌تگوزارى ئه‌كه‌ن و كيشه‌ ديرن و خوه‌ينيشانداين ئه‌نجام ئه‌يه‌ن، وه‌لێ جه‌ماعه‌ت هه‌ن په‌يوه‌ندى وه‌ ده‌يشته‌و ديرن.