هــــه‌واڵ كــوردى
حزبيگ كورد: شه‌ش هه‌زار له‌ ئه‌ندامه‌يلمان هانه‌ زيندانه‌يل توركى

حزبيگ كورد: شه‌ش هه‌زار له‌ ئه‌ندامه‌يلمان هانه‌ زيندانه‌يل توركى


شه‌فه‌ق نيوز/ حزب ملله‌ته‌يل ديموكرات خوه‌ينيشاندانيگ له‌ توركيا ساز كردن وه‌ ريككه‌فتن وه‌ل ساڵياد گرتن و زيندانيكردن 11 ئه‌ندام له‌ ئه‌ندامه‌يل حزبه‌گه‌و له‌ناونيانيش سه‌ڵاحه‌دين ده‌ميرتاش و فيگن يوكسكداغ.

 

سيزانى تمللى سه‌رۆك حزبه‌گه‌ له‌ كۆنگره‌يگ له‌ناو باره‌گاى سه‌ره‌كى حزبه‌گه‌ له‌ ئه‌نقه‌ره‌ى پايته‌خت توركيا، ئه‌وه‌ ده‌رخست ك حاڵ حازر نزيكه‌ى شه‌ش هه‌زار له‌ ئه‌ندامه‌يل حزبه‌گه‌ هانه‌ ناو زيندانه‌يل ئه‌و وڵاته‌.

 

سه‌رۆك حزبه‌گه‌ باس له‌وه‌يش كرد ده‌سڵاته‌يل توركى 53 سه‌رۆك شاره‌وانى سه‌ر وه‌ حزبه‌گه‌يان ده‌سگير كردنه‌، يه‌يش بيجگه‌ چه‌سپانن سزا له‌بان نزيكه‌ى سه‌د شاره‌وانى تر سه‌ر وه‌ حزبه‌گه‌.