ئابوورى
رافده‌ين مه‌رج ئه‌را وازكردن لقه‌يل تازه‌ى له‌ ده‌وڵه‌ته‌يل هاوساو كه‌نداو دانه‌ێد

رافده‌ين مه‌رج ئه‌را وازكردن لقه‌يل تازه‌ى له‌ ده‌وڵه‌ته‌يل هاوساو كه‌نداو دانه‌ێد


شه‌فه‌ق نيوز/ بانك رافده‌ين ئاشكراى داين ئه‌وله‌ويه‌ت كرد وه‌ وازكردن لقه‌يل تازه‌ێ له‌ ده‌وڵه‌ته‌يل هاوساو ده‌وڵه‌ته‌يل كه‌نداو وه‌گووره‌ى پلانه‌يليگ ك سوود ئابوورى ئه‌را بانكه‌گه‌ داشتوود.‌

 

له‌و باوه‌ته‌و، نويسينگه‌ى ره‌سانن بانكه‌گه‌ له‌ به‌ياننامه‌يگ وت: وازكردن لقه‌يل تازه‌ په‌يوه‌سه‌  وه‌ بارودوخ ئابوورى گشتى و هاوبه‌ش له‌ناونى وڵاته‌يل و ئه‌وله‌ويه‌ت وازكردن لقه‌يل تازه‌يش دقه‌ت له‌بان خوه‌نينه‌وه‌ى بازاڕ و هه‌وه‌جه‌و خواست ئه‌كريه‌ێد.

 

جى باسه‌، به‌ياننامه‌گه‌ هه‌ميش وت: حاڵ حازر هويچ نيازيگ نيه‌ ئه‌را وازكردن لقه‌يل تازه‌ له‌ ده‌وڵه‌ته‌يل هاوسا له‌وه‌ختيگ ك بانكه‌گه‌ هه‌فت لق خارجێ ديرێد.