هــــه‌واڵ عــیراق
مافه‌يل ئاده‌ميزاد له‌باره‌ى ناچاركردن كووچبه‌ره‌يل ره‌خنه‌ له‌ به‌سره‌و سه‌ڵاحه‌دين گرت

مافه‌يل ئاده‌ميزاد له‌باره‌ى ناچاركردن كووچبه‌ره‌يل ره‌خنه‌ له‌ به‌سره‌و سه‌ڵاحه‌دين گرت


شه‌فه‌ق نيوز/ كومسيۆن باڵاى مافه‌يل ئاده‌ميزاد، ره‌فتار هه‌ردوگ پاريزگاى به‌سره‌ و سه‌ڵاحه‌دين له‌باره‌ى ناچاركردن كووچبه‌ره‌يل له‌وه‌ر گله‌وخواردن ئه‌را ناوچه‌يل خوه‌يان ره‌ته‌و كرد.

 

له‌ى باوه‌ته‌و، وحده‌ ئه‌لجومه‌يلى كومسيار له‌ كومسيۆن باڵاى مافه‌يل ئاده‌ميزاد له‌ به‌ياننامه‌يگ ئه‌را(شه‌فه‌ق نيوز)وت: ئه‌و ره‌فتاره‌يل ده‌سڵاته‌يل ناوچه‌ييه‌ له‌ پاريزگاى به‌سره‌و سه‌ڵاحه‌دين و ئه‌و فشاره‌يله‌ ك ئه‌خه‌نه‌ى بان خيزانه‌يل كووچبه‌ر له‌وه‌ر گله‌وخواردنيان ئه‌را شوونه‌يل خوه‌يان ره‌ته‌و ئه‌كه‌يم، يه‌يش هه‌رچه‌نى كووچبه‌ره‌يليش ئه‌و ناچاريه‌ ره‌ته‌و ئه‌كه‌ن له‌وه‌ر ئه‌وه‌گ ناوچه‌يليان وه‌ ته‌مامى ئازاد نه‌كريانه‌.

 

جى باسه‌، جومه‌يلى هه‌ميش وت: هويچ زه‌ماناتيگ ئه‌را مقه‌يه‌تيكردن خيزانه‌يل له‌ تون و تيژى و چاره‌نويس ناديار نيه‌ ك چه‌وه‌ڕى كووچبه‌ره‌يل ئه‌كا له‌ پاريزگايه‌يليان.