هــــه‌واڵ عــیراق
له‌ئاكام خوه‌ينيشانداينه‌يل به‌سره‌ 9 كه‌س كوشيان و 93 زه‌خمدار بوينه‌

له‌ئاكام خوه‌ينيشانداينه‌يل به‌سره‌ 9 كه‌س كوشيان و 93 زه‌خمدار بوينه‌


شه‌فه‌ق نيوز/ كۆمسيۆن باڵاى مافه‌يل ئاده‌ميزاد له‌ عراق، ئاشكراى شماره‌ى كوشياگ و زه‌خمداره‌يل كرد له‌ئاكام خوه‌ينيشانداينه‌يل به‌سره‌ له‌سه‌ره‌تاى ئى مانگه‌ تائيسه‌.

 

كۆمسيۆنه‌گه‌ له‌ به‌ياننامه‌يگ ئه‌وه‌ ده‌رخست ك تون وتيژى له‌لايه‌ن ده‌زگايه‌يل ئه‌منى ده‌رهه‌ق وه‌ خوه‌ينيشانده‌ره‌يل ئاشتى وه‌كار هاورياگه‌و بويه‌سه‌ هووكار كوشيان 9 كه‌س و زه‌خمداربوين 93 كه‌س تر.

 

جى باسه‌، به‌ياننامه‌گه‌ هه‌ميش وت: كۆمسيۆن باڵاى مافه‌يل ئاده‌ميزاد له‌ڕێ ئه‌و راپۆرته‌يله‌ ك وه‌پى ره‌سيه‌ له‌ نويسينگه‌گه‌ى له‌ به‌سره‌، ئه‌وه‌ ده‌ركه‌فتگه‌ ك كار ره‌سيه‌سه‌ ئه‌وه‌گ موڵكه‌يل و باڵه‌خانه‌ى ده‌وڵه‌تيش له‌و شاره‌ بسزيه‌ن له‌لايه‌ن خوه‌ينيشانده‌ره‌يل له‌ به‌سره‌.