هــــه‌واڵ كــوردى
ئێزيديه‌يل به‌شدارێ ساڵياد كوشتارگه‌ێ بۆسنه‌ كردن

ئێزيديه‌يل به‌شدارێ ساڵياد كوشتارگه‌ێ بۆسنه‌ كردن


شه‌فه‌ق نيوز/ چوار كه‌س له‌ ئێزيديه‌يل عراق به‌شدارى وه‌ل هه‌زاران له‌ موسڵمانه‌يل بۆسنه‌ كردن له‌ ساڵياد كوشيان هه‌يشت هه‌زار كه‌س له‌ليان له‌ساڵ 1995 له‌ سربرنيتشاو داواێ ئه‌وه‌ كردن ئه‌و كاره‌يل دڕندانه‌ ك هاته‌سه‌ تويشيان له‌لايه‌ن ريكخرياگ ترۆريستى داعشه‌و وه‌ له‌ناوبردن وه‌جه‌م تاريف بكريه‌ێد.

 

له‌ى باوه‌ته‌، حوسام عه‌بدولقه‌هار ك پاريزه‌ريگ ئێزيديه‌، گشت تاوانه‌يل داعش به‌ڵگه‌يى كردگه‌ و ئه‌نداميشه‌ له‌ به‌رنامه‌ێ بنياتناين ئاشتى له‌ باكوور عراق و وت: ئيمه‌و موسڵمانه‌يل بۆسنه‌ تويش سته‌م و زوڵم فره‌يگ هاتيمنه‌، موسڵمانه‌يل بۆسنه‌ له‌بان ده‌س سربيه‌يل و ئێزيديه‌يليش له‌بان ده‌س داعش و هه‌ردوگلامانيش به‌شداريم له‌ ساڵياد و ئحساس وه‌ سته‌م يه‌كترێ ئه‌كه‌يم.

 

دو دادگاێ سه‌ر وه‌ نه‌ته‌وه‌يل يه‌كگرتگ ئه‌و كوشتار بڕين و كوشتنه‌ ك سربه‌يل بۆسنه‌ له‌ نزيك كووتايى جه‌نگ بۆسنه‌ ئه‌نجامى دانه‌، وه‌ له‌ناوبردن وه‌جه‌م تاريف كردن و دادايى سه‌ركرده‌يليگيش له‌ليان كرياو له‌وانه‌يش جه‌نراڵ راتكۆ ملاديتش له‌ وه‌رده‌م دادگاێ تاوانه‌يل جه‌نگ سه‌ر وه‌ ريكخرياگه‌گه‌ له‌ لاهاى.