هــــه‌واڵ عــیراق
رێ وشوون ياسايى ده‌رهه‌ق 14 داعشيه‌ فره‌نسيه‌گه‌ له‌ عراق ده‌سوه‌پيكرد

رێ وشوون ياسايى ده‌رهه‌ق 14 داعشيه‌ فره‌نسيه‌گه‌ له‌ عراق ده‌سوه‌پيكرد


شه‌فه‌ق نيوز/ دو سه‌رچه‌وه‌ى دادوه‌رى باس له‌ ده‌سوه‌پيكردن رێ وشوونه‌يل ياسايى ده‌رهه‌ق وه‌ 14 كه‌س سه‌ر وه‌ ريكخرياگ تيرۆريستى داعش كردن ك ره‌گه‌زنامه‌ى فره‌نسى ديرن.

 

له‌و باوه‌ته‌و "روێته‌رز" له‌ زووان پارێزه‌ريگ و ئه‌نداميگ له‌ ده‌سه‌ى دادوه‌رى وتن: ئه‌و تيرۆريسته‌يله‌ بريانه‌سه‌ وه‌رده‌م دادوه‌ر په‌يجوورى له‌ دادگاى دژه‌ تيرۆر له‌ به‌غدا له‌ 6 ئادار ئى مانگه‌ له‌وه‌ر ئاماده‌كارى ئه‌را دادگاييكردنيان.

 

ئه‌و سه‌رچه‌وه‌يله‌ ك نه‌تواسنه‌ ناويان ئاشكرا بكريه‌ێد، وتنه‌: گشت ئه‌و داعشيه‌يل فره‌نسيه‌ ئمزاى ئيفاده‌يل دگان وه‌پياناين خوه‌يان كردنه‌ ك له‌ موسڵ بوينه‌ له‌وه‌ختيگ داعش كۆنترۆڵ شاره‌گه‌ كردگه‌ له‌ ماوه‌ى ناونى 2014 تا 2017.