هــــه‌واڵ عــیراق
خيزان سه‌ركرده‌يل داعش له‌ عراق گله‌وخواردن ئه‌را شيشيان

خيزان سه‌ركرده‌يل داعش له‌ عراق گله‌وخواردن ئه‌را شيشيان


شه‌فه‌ق نيوز/ ته‌ياره‌يگ جيوازكه‌ر شماره‌يگ له‌ ژن و مناڵه‌يل له‌ عراق جيواز كرد و له‌ ته‌ياره‌خانه‌ێ غروزنى پايته‌خت شيشانى نيشته‌و دوياى ئه‌وه‌گ كه‌س وكاريان له‌ ريكخرياگ ترۆريستى داعش كوشيانه‌.

 

له‌ى باوه‌ته‌و، وه‌رپرسه‌يل شيشانى و كلكرياگ كريملين ك په‌يوه‌نديداره‌ وه‌ ماف مناڵه‌يل، وت: 4 ژن و 8 مناڵ ك ته‌مه‌نيان ها ناونى 6 تا 9 ساڵان له‌لايه‌ن كه‌س وكاريان پيشوازێ له‌ليان كرياگه‌.

 

جى باسه‌، وه‌رپرسه‌يل شيشانى و كه‌س وكار ئه‌و خيزانه‌يله‌ ئه‌وه‌ ده‌رخستن ك گله‌وخواردن ئه‌و ژن و مناڵه‌يله‌ دوياێ دانيشتنه‌يليگ و ريككه‌فتنه‌يليگ بويه‌ ك له‌لايه‌ن ره‌مه‌زان قه‌ديرۆف سه‌رۆك شيشانى و كلكريايه‌گه‌ێ ئه‌را خوه‌رهه‌ڵات ناوين و نوێنه‌ره‌يليگ حكومه‌ت كازاخستانه‌و ئه‌نجام گرتگه‌.