هــــه‌واڵ عــیراق
ده‌يان ترۆريست له ‌ناونى ڕى به‌غدا - ترێبيل كوشيان

ده‌يان ترۆريست له ‌ناونى ڕى به‌غدا - ترێبيل كوشيان


شه‌فه‌ق نيوز/ ده‌يان چه‌كدار له‌ ريكخرياگ ترۆريستى داعش كوشيان له‌ئاكام په‌لاماريگ ئاسمانى ك ره‌تڵيگ سه‌ر وه‌و ريكخرياگه‌ گرته‌ ئامانج له‌ناونى ڕى به‌غدا - ترێبيل له‌ خوه‌رئاواى عراق.

 

له‌ى باوه‌ته‌و، شانه‌ى ره‌سانن جه‌نگى له‌ به‌ياننامه‌يگ ك(شه‌فه‌ق نيوز)ئاگادارى بوى، وت: ته‌ياره‌يل جه‌نگى هاوپه‌يمان ناوده‌وڵه‌تى وه‌ گووره‌ى ده‌سكه‌فتن زانياره‌ هه‌واڵگرى پڕ دقه‌تيگ په‌لاماريگ ئه‌را بان ره‌تڵيگ له‌ سه‌ياره‌يل سه‌ر وه‌ ريكخرياگ ترۆريستى داعش ئه‌نجام دانه‌ ك پيكهاتنه‌ له‌ 15 سه‌ياره‌ى پڕ له‌ چه‌ك و فيشتر له‌ 60 ترۆريست.

 

جى باسه‌، شانه‌ى ره‌سانن جه‌نگى هه‌ميش وت: ئه‌و ره‌تڵه‌ وه‌ ته‌مامى له‌و په‌لامار ئاسمانى ته‌ياره‌يل هاوپه‌يمانه‌ ويران بوينه‌و ده‌يان ترۆريستيش له‌تى كوشيانه‌.