هــــه‌واڵ عــیراق
ئه‌مريكا ئاماژه‌ وه‌ چالاكييگ سلێمانى كرد له ‌سێ ده‌وڵه‌ت و له‌وانه‌يش عراق

ئه‌مريكا ئاماژه‌ وه‌ چالاكييگ سلێمانى كرد له ‌سێ ده‌وڵه‌ت و له‌وانه‌يش عراق


شه‌فه‌ق نيوز/ جه‌نراڵ جوزيف فوتيل سه‌ركرده‌ى سه‌ركردايه‌تى ناوه‌ندى له‌ سوپاى ئه‌مريكى وت: ليوا قاسم سلێمانى سه‌ركرده‌ى فه‌يله‌ق قودس سه‌ر وه‌ پاسه‌وان شۆرش ئيرانى ده‌س له‌ چالاكيه‌يل فريه‌يگ ئيرانى ديرێد ك ئامانج له‌لى شيوانن سه‌قامگيريه‌ له‌ خوه‌رهه‌ڵات ناوين.

 

فوتيل له‌ لێدوانيگ رووژنامه‌گه‌رى سلێمانى وه‌و جووره‌ تاريف كرد ك ته‌بيعه‌تيگ دوشمنكارانه‌ ديرێد و باسيش له‌وه‌ كرد و وت: له‌ هه‌ر كوورا چللاكييگ ئيرانى بوينيم قاسم سلێمانى دوينيم چ له‌ سوريا يا عراق يا يه‌مه‌ن و شوونه‌يل تر و فه‌يله‌ق قودس سه‌رپه‌رشى ئه‌كاو هه‌ڕه‌شه‌ى بنه‌ڕه‌تيه‌ له‌پشت چالاكيه‌يل شيوانن سه‌قامگيرى.

 

فوتيل هه‌ميش وت: سوپاى ئه‌مريكى ئاماده‌س ئه‌را مقه‌يه‌تيكردن له‌ ئازاديه‌يل ده‌رياوانيى له‌ ته‌نگ هورمز ك گرنگترين خاڵ په‌رينه‌وه‌س ئه‌را نه‌فت له‌ جه‌هان وه‌گووره‌ى ئداره‌ى وزه‌ى ئه‌مريكى ك له‌ليه‌و نزيگه‌ى 20 له‌سه‌د بازرگانى نه‌فت له‌ جه‌هان گوزه‌ر ئه‌كا.