هــــه‌واڵ كــوردى
پارتى وه‌ به‌ياننامه‌ى تونيگه‌و له‌ په‌كه‌كه‌ هاته‌ ده‌نگ

پارتى وه‌ به‌ياننامه‌ى تونيگه‌و له‌ په‌كه‌كه‌ هاته‌ ده‌نگ


شه‌فه‌ق نيوز/ پارت ديموكرات كوردستان وه‌ سه‌رۆكايه‌تى مه‌سعود بارزانى سه‌رۆك هه‌رێم كوردستان عراق، روێ ره‌خنه‌ى تونيگ كرده‌ پارت كارگه‌ره‌يل كوردستان و تاريفى وه‌ ئه‌وه‌ كرد ك هه‌وڵ له‌كه‌داركردن ئه‌زموون كورد ئه‌ياد و ئه‌جنداى هه‌واڵگرى هه‌رێمى جيوه‌جى ئه‌كا.

 

پارتى له‌ به‌ياننامه‌يگ وت: دوياى گرژيه‌يل ئى دوياخره‌ له‌ خوه‌رئاواى كوردستان"كوردستان سوريا"و په‌لاماره‌يل هيزه‌يل لايه‌نگر pkk ئه‌را بان باره‌گايه‌يل سياسى و زيايكردن چالاكيه‌يلى و ده‌سگيركردن چالاكوانه‌يل سياسى و سزانن باره‌گايه‌يل حزبى و زه‌فتكردن ماڵ و موڵكه‌يل هه‌وڵيگه‌ ئه‌را له‌كه‌داركردن ئه‌زموون كورد.

 

جى باسه‌، پارتى هه‌ميش وت: ئى لايه‌نه‌ ده‌سى خسته‌ ناو ده‌س هه‌واڵگرێ ده‌وڵه‌ته‌يل هه‌رێمى و بويه‌سه‌ به‌شيگ له‌ پيلانه‌يل ده‌ره‌كى و دژ ملله‌ت كورد گاڵ ئه‌دريه‌ن و له‌ هه‌مان وه‌خت شه‌رمه‌زار ئى ره‌فتاره‌يله‌ كرد وه‌ ئه‌وه‌گ دژ به‌رژه‌وه‌نديه‌يل ملله‌ت كورده‌.