هــــه‌واڵ كــوردى
مه‌سرور بارزانى باس راپرسى و جيابوينه‌وه‌ له‌ ده‌وڵه‌تيگ ناسه‌روه‌خوه‌ى كرد

مه‌سرور بارزانى باس راپرسى و جيابوينه‌وه‌ له‌ ده‌وڵه‌تيگ ناسه‌روه‌خوه‌ى كرد


شه‌فه‌ق نيوز/ مه‌سرور بارزانى راوێژكار ئه‌نجومه‌ن ئاسايش هه‌رێم كوردستان، جه‌خت له‌وه‌ كرد ك سه‌ركرده‌يل كورد په‌شيانه‌و نيه‌ون له‌ ئه‌نجامداين راپرسى و ئه‌وه‌گ باس كرياگه‌و به‌رنامه‌ ئه‌راى دانرياگه‌ بايه‌سه‌ ئه‌نجام بگرێد.

 

بارزانى له‌ لێدوانه‌يلى له‌ كه‌رنه‌ڤاڵ يه‌كێتى خوه‌ندكاره‌يل كوردستان ئه‌را پشتگيرى راپرسى ك له‌ هه‌ولێر ريكخرياگ، باس له‌ گرينگى سه‌روه‌خوه‌يى هه‌رێم كوردستان كرد و جه‌خت له‌وه‌ كرد و وت: نه‌بايه‌د كورد له‌لايه‌ن كه‌سه‌يل تره‌و حوكم بكريه‌ن و ئه‌وانه‌كيش چه‌ويان ها ده‌سكه‌فتن پۆسته‌يل له‌ ده‌وڵه‌تيگ تر نه‌بايه‌د رينمايى ئه‌را ئيمه‌ ده‌ربكه‌ن له‌باره‌ى راپرسى.

 

جى باسه‌ بارزانى هه‌ميش وت: ئيسه‌ كوردستان به‌شيگه‌ له‌ حكومه‌تيگ تر ك ئه‌ويش حكومه‌تيگه‌ تواناى مقه‌يه‌تيكردن سه‌روه‌خوه‌يى خوه‌ى نه‌يرێد و له‌گشت لايگه‌و ده‌خاڵه‌ت له‌ كاروبارى ئه‌كريه‌ێد و ئه‌گه‌ريش ئه‌وان سه‌روه‌خوه‌يى ئه‌را كورد ناخوازان‌ كورده‌يل خوه‌يان ئه‌خوازنه‌ى.