هــــه‌واڵ كــوردى
به‌ره‌ى توركمانى ناڕازيه‌ له‌باره‌ى هه‌ڵداين ئاڵاى كوردستان له‌ كه‌ركوك

به‌ره‌ى توركمانى ناڕازيه‌ له‌باره‌ى هه‌ڵداين ئاڵاى كوردستان له‌ كه‌ركوك


شه‌فه‌ق نيوز/ به‌ره‌ى توركمانى لق كه‌ركوك، دوباره‌ هه‌ڵدانه‌وه‌ى ئاڵاى كوردستان له‌ پاريزگاگه‌ وه‌ هه‌وڵيگ ئه‌را گرژه‌وكردن بارودوخه‌گه‌ له‌ناونى پيكهاته‌يلى تاريف كرد و داوايش له‌ حكومه‌ت عادل عه‌بدولمه‌هدى كرد وازى وه‌و پاريزگا نه‌كا جوور ريككه‌فتن سياسى ئه‌را دامه‌زرانن حكومه‌ت.

 

به‌ره‌ى توركمانى له‌ به‌ياننامه‌يگ وت: چه‌سپانن سياسه‌ت راسى له‌ كه‌ركوك سه‌رپيچييه‌ له‌ ياساو بڕياره‌يل دادوه‌رێ له‌باره‌ى هه‌ڵداين ئاڵاى هه‌رێم و هه‌وڵيگه‌ ئه‌را گرژكردنه‌وه‌ى بارودوخ و دروسكردن كيشه‌يل تازه‌ له‌ناونى پيكهاته‌يل پاريزگاكه‌ ك وه‌يه‌كه‌وژيان ئاشتيانه‌يگ ديرن.

 

لاى خوه‌يه‌و، راكان سه‌عيد جبورى پاريزگار كه‌ركوك سه‌رۆك ليژنه‌ى ئه‌منى وه‌ وه‌كاله‌ت وت: داوا له‌ مه‌ردم كه‌ركوك كرد مقه‌يه‌تى له‌ ئاسايش و وه‌رده‌وامى وه‌يه‌كه‌وژيان و سه‌قامگيرى كۆمه‌ڵگايى بكه‌ن ك خودا داسه‌ى پاريزگاگه‌ جوور ئه‌وه‌گ خوه‌ى تاريفى كرد و وتيش: داوا له‌ كه‌س وكارمان له‌ كه‌ركوك ئه‌كه‌يم وه‌گشت پيكهاته‌يليه‌و نه‌كه‌فنه‌ شوون مزايدات سياسى و داوايش له‌ وه‌رپرسه‌يل كرد مقه‌يه‌تى له‌ ئارامى بكه‌ن.