میربه‌گ و نه‌وه‌یلى

شفق نيوز

ئى میر به‌گ دونبولیه‌ كوڕیگ داشت وه‌ناو "میر ئه‌حمه‌دخان دونبولى" ك پیاویگ توانادار و ده‌سڵاتدار بویه‌و فریه‌یش حه‌ز له‌وه‌ كردگه‌ ئاشنایه‌تى وه‌ل چین زانایه‌یل و شاعر و ئه‌ده‌ب دووسه‌یل بیاشتوود.

میر ئه‌حمه‌د خان جوور ئه‌وه‌ك مێژوو دونیولیه‌یل یاسى كردگه‌، كتاوه‌یل مه‌ولانا جه‌لاله‌دین ڕوومى و دیوانه‌گه‌ى" شه‌مس ته‌وریزى "كاریگه‌رى فریه‌یگ داشتگه‌ له‌بانى و هه‌میشه‌ خه‌ریك خوه‌ندنى بویه‌.

ئه‌حمه‌دخان له‌ ئاوایى" بابا ئه‌حمه‌د "نزیك كویه‌ى سه‌نجه‌ران هاته‌سه‌ دونیا، ئاوایه‌گه‌یش هه‌ر وه‌ناو خوه‌یه‌و ناونریاگه‌و هه‌ر له‌ورایش ماڵئاوایى له‌ ژیان كردگه‌و وه‌خاك سپاریاگه‌.

له‌ كتاو شه‌ره‌فنامه‌، ئى میر ئه‌حمه‌ده‌ وه‌ناو"شێخ ئه‌حمه‌د به‌گ"ناوبریاگه‌ له‌ نه‌وه‌یل"عیسا به‌گ"، ك گوایا له‌ سه‌رده‌م" ئاق قۆیۆنلوو 800 – 908 ك "ده‌وڵه‌ت دامه‌زرانگه‌و قه‌ڵاى "باى و حه‌كارى " داگیر كردگه‌.

دویاى مردن میر ئه‌حمه‌د خان، دو كوڕ له‌ شوونى مه‌ندنه‌سه‌ جى وه‌ناوه‌یل "شێخ ئبراهیم میر ئه‌حمه‌د خان" و "شێخ بالوول میر ئه‌حمه‌د خان" ك ئى كوڕه‌یله‌ دویاخر شوونى گرتنه‌و ده‌سڵاتدار بوینه‌، ك شێخ ئبراهیم ناوچه‌ى فه‌رمانڕه‌وایه‌گه‌ى له‌ ته‌وریز بویه‌و له‌وه‌ختیگیش جه‌نگیزخان مه‌غوولى كه‌فته‌سه‌ وڵاتگرى، له‌ڕى ئاشتى و دووسایه‌تیه‌و ڕه‌فتار وه‌لیا كردگه‌، ك وه‌ى جووریشه‌ مقه‌یه‌تى له‌ وڵاته‌گه‌ى ژیرده‌س خوه‌ى كردگه‌ له‌تاو ویرانكارى وتاڵانكردن مه‌غووله‌یل و له‌ساڵ 692 كووچى مردگه‌.

مه‌لا جه‌میل

ج . أ