پيروزبايی عه‌يد ڕه‌مه‌زان له هاووڵاتيه‌يل كردن ‌

شفق نيوز

عه‌لی حسێن فه‌يلی سه‌روك ئه‌نجوومه‌ن وه‌ڕێه‌وبردن ده‌زگای ڕووشنهویری و ڕه‌سانن كورده‌یل فه‌یلی – شه‌فه‌ق و جواد كازم عه‌لی وه‌ڕێه‌وبه‌ر ڕاديو شه‌فه‌ق، له‌لايه‌ن خوه‌يانه‌و پيروزبايی له‌ موسه‌ڵمانه‌يل دنيا وه‌ گشتی و كوردستان وه‌ تايبه‌ت كردن.


ده‌ق برووسكه‌ی پيروزبايی سه‌روك ئه‌نجوومه‌ن وه‌ڕێه‌وبردن ده‌زگای ڕووشنهويری و ڕه‌سانن كورده‌یل فه‌یلی – شه‌فه‌ق:


وه‌ناوخودای به‌خشه‌نده‌ومیهره‌بان

وه‌ل ماڵئاوایی له‌ مانگ موباره‌ك ڕه‌مه‌زان و پێشوازی كردن له‌ عه‌ید فتر، گه‌رمترین پیروزباییه‌یل و بووخوه‌شترین چه‌پكه‌ گوڵه‌یل و خاسترین ئاره‌زووه‌یل خوه‌م وهاوكاره‌یلم له‌ ده‌زگای ڕووشنهیوری و ڕه‌سانن كورده‌یل فه‌یلی – شه‌فه‌ق ئاراسه‌ی موسه‌ڵمانه‌یل جه‌هان و عراق ، وه‌تایبه‌ت هاوزووانه‌یل كوردمان كه‌یم و له‌ خودای گه‌وراو وه‌توانا داواكه‌یم ك ڕووژگ و نماز گشت لایگمان قه‌بول بكا و هه‌رساڵ ئی عه‌یده‌ وه‌خه‌یر و خوه‌شی ئه‌را په‌یڕه‌وه‌یل ئاین مه‌حمه‌دی (س.د) باریگه‌و؛ هه‌روه‌ی بوونه‌وه‌ گه‌رمترین پیروزبایه‌يیل پێشكه‌ش سه‌روكایه‌تی كومار و سه‌روك هه‌رێم كوردستان و سه‌روك ئه‌نجوومه‌ن وه‌زیره‌یل و سه‌روكایه‌تی په‌رله‌مان عێراقی كه‌م و له‌ یه‌زدان پاك و بی شه‌ریك داواكاریم گشت نه‌ته‌وه‌و پیكهاته‌یل ملله‌ت عێراق له‌ سایه‌ی نیشتمانیگ ئارام و سه‌قامگیر و له‌ كه‌ش وهه‌وایگ برایانه‌ وه‌ل یه‌كا بژیه‌ن و وڵاته‌گه‌مان له‌ هه‌ر كاره‌سات و ناخوه‌شییگ بپارێزیگ ؛ سه‌رله‌نوو هاتن عه‌ید موباره‌ك فتر له‌ سه‌رجه‌م موسه‌ڵمانه‌یل موباره‌ك بوود.


عه‌لی حسێن فه‌یلی

سه‌روك ئه‌نجوومه‌ن وه‌ڕێه‌وبردن ده‌زگای ڕووشنهویری و ڕه‌سانن كورده‌یل فه‌یلی – شه‌فه‌ق

9/9/2010




ده‌ق برووسكه‌ی پیروزبایی وه‌ڕێه‌وبه‌ر ڕادیو شه‌فه‌ق وه‌بوونه‌ی عه‌ید فتر:


وه‌ناویه‌زدان پاك و وه‌توانا

ئمساڵیش ڕه‌مه‌زان وه‌سه‌رچی و دڵ موسه‌ڵمانه‌یل وه‌هاتن عه‌ید موباره‌ك فتر شاده‌و بوی و خوه‌شی ڕوی كرده‌ وڵات ؛ وه‌ی بوونه‌وه‌ گه‌رمترین پیروزباییه‌یل و ڕه‌ینترین چه‌پكه‌ گوڵه‌یل و پاكترین ئاره‌زووه‌یل له‌ قویلایی دڵه‌وه‌ ئاراسه‌ی په‌یڕه‌وه‌یل ئاین موحه‌مه‌دی له‌ سه‌راسه‌ر جه‌هان وه‌تایبه‌ت هاوزووانه‌یل ئه‌زیزم كه‌م و له‌ خودای گه‌ورا توام هه‌ر ساڵ ئی عه‌یده‌ وه‌خوه‌شی باریگه‌و و ملله‌ت و نیشتمانه‌گه‌مان له‌ هه‌ر كیشه‌و گرفتیگ دویره‌و بخه‌ێگ ؛ هه‌میش وه‌ی بوونه‌وه‌ پیروزبایی گه‌رم له‌ سه‌روكایه‌تی هه‌رێم و كاروه‌ده‌سه‌یل حكوومه‌ت هه‌رێم و عێراق فێدراڵ كه‌م و ئه‌را گشت لایگ ئاره‌زووی عه‌یدیگ پڕله‌ خوه‌شی و كامه‌رانی دیرم و ئومیدوارم ك گشت ڕووژیگدان عه‌ید و ‌خوه‌شی بوود ؛ سه‌رله‌نووعه‌ید ڕه‌مه‌زاندان موباره‌ك وهه‌رساڵ له‌ناوعه‌یدان بوین.

جواد كازم عه‌لی

وه‌ڕیه‌وبه‌ر ڕادیو شه‌فه‌ق

9/9/2010