وه‌بوونه‌ی ياد 108 ساڵه‌ی له‌داڵگبوين بارزانی نه‌مر، وه‌رپرس ده‌زگای شه‌فه‌ق پيرۆزبايی له‌ ملله‌ت كورد ئه‌كا

شفق نيوز

وه‌ڕێه‌وبردن ده‌زگای شه‌فه‌ق، برووسكه‌يگ پيرۆزبايی ئاراسته‌ی ڕووڵه‌يل ملله‌ته‌گه‌مان كرد ك ده‌ق برووسكه‌گه‌ وه‌يجووره‌س:

 

 

 

 

وه‌ناو خودای  گه‌ورا و میهره‌بان

 

ئمڕوو 14ی ئادار هاووه‌خته‌‌ وه‌ل یاد 108 ساڵه‌ی له‌ داڵگبوين باوگ رووحی و ڕابه‌ر جمشت ئازادیخواز ملله‌ت كوردستان، ره‌حمه‌تی مه‌لا مسته‌فای بارزانی؛ وه‌ی بوونه‌وه‌ ره‌ینترین چه‌پكه‌گوڵه‌یل خوه‌شه‌ویستی ئاراسه‌ی هاوزووانه‌یل ئه‌زیزمان له‌ عراق و سه‌راسه‌ر جه‌هان كه‌یم و ئومیدواریم رووژ له‌ داڵگبوين رووڵه‌ی فداكار و چه‌ونه‌ترس ناوچه‌ی بارزان و ڕابه‌ر بی وینه‌ و سه‌ربه‌رز ملله‌ت كوردستان بووده‌ مایه‌ی بته‌وبوين یه‌كڕزی ملله‌ته‌گه‌مان و به‌رقه‌راری ئارامی و ئاسایش و سه‌قام له‌ كوردستان و سه‌راسه‌رعراق.

بی گومان ملله‌ت عراق وه‌گشتی و كوردستان وه‌تایبه‌ت بایه‌د شانازی وه‌چنه‌ سه‌ركرده‌یگ بكا ك گشت ساڵه‌یل ژیانی  ئه‌را خه‌بات له‌ڕی هه‌ق و وسیان له‌وه‌راوه‌ر رژیمه‌یل دكتاتوری و ملهوڕ عراق ته‌رخان كرد و هه‌ر له‌ سه‌ره‌تای ده‌س وه‌پی كردن خه‌بات دروشم (دیموكراسی ئه‌را عراق و ئوتونومی ئه‌را كوردستان) به‌رزه‌و كرد و دایم له‌په‌ی بته‌وكردن برایه‌تی ناونی هه‌ردو ملله‌ت برا كورد وعه‌ره‌ب بوی و هه‌میشه‌ له‌بان یه‌ ته‌ئكید كردیاد ك جه‌نگ و خه‌بات ملله‌ت كوردستان دژ وه ‌نه‌ته‌وه‌ یا ملله‌ته‌یلتر نیه‌ به‌ڵكم ململانی وه‌ل ئه‌و رژیمه‌یل دكتاتوریه‌سه‌ ك وه‌رجله‌ ملله‌ت كورد هه‌ق ملله‌ته‌یلتر عراق پاماڵ كه‌ن؛ له‌كوتایی سه‌ر رێز و نوازش ئه‌را ڕابه‌ر و سه‌ركرده‌ی پایه‌ به‌رزمان چه‌منیم و سه‌رله‌نوو ساڵڕووژ له‌ داڵگبوین سه‌ركرده‌ی نه‌مر و ئازادیخواز و ناودار جه‌هان مه‌لا مسته‌فای بارزانی وه‌خوه‌مان و سه‌رجه‌م ئازایخوازه‌یل جه‌هان بمارگبايی ئويشیم.

 

عه‌لی حسین فه‌یلی

سه‌روك ئه‌نجومه‌ن وه‌ڕێه‌وبردن ده‌زگای ره‌سانن و رووشنهویری كورده‌یل فه‌یلی – شه‌فه‌ق

2011/3/14