له‌وه‌ر سه‌روه‌خوه‌يى كورد

شفق نيوز

ئمڕوو كورد ئه‌گه‌ر وه‌ گووره‌ى ئى بارودووخه‌ ته‌ماشاى په‌يوه‌نديه‌يل بكه‌يم وه‌ل وڵاته‌يل ئۆرپى و ئه‌مريكاو بريگ له‌ ده‌وڵه‌ته‌يل عه‌ره‌بى، له‌يوا دياره‌ نزیكه‌ له‌ ده‌سڵات سه‌روه‌خوه‌یى، ك هه‌رچه‌نى يه‌يش ماف خوه‌يه‌و ئه‌و سه‌روه‌خوه‌ييه‌ باريده‌ ده‌س.

ئه‌گريش ته‌ماشاى ره‌فتار بڕيگ له‌ وڵاته‌يل ناوچه‌گه‌ بكه‌يم له‌ وه‌رانوه‌ر ده‌سڵات كورد، ئئه‌وه‌ ئه‌رامان ئاشكرا ئه‌دێ ك هويچ هه‌وڵ و ته‌قلايگ له‌باوه‌ت نواگيرى له‌ ره‌سين كورد وه‌ چاره‌نويس قانجاز ئه‌ڕايان نه‌يريد، چوينكه‌ ئيسه‌ مه‌سه‌له‌ى كورد چيه‌سه‌ چوارچيوى نيمچه‌ په‌سه‌نكردنيگ ناوده‌وڵه‌تى و شايه‌ت له‌ ئاينده‌ى نزيكيگ كوردستان ئاشمراى سه‌روه‌خوه‌يى خوه‌ى بكا.

دى له‌یرا ئه‌وه‌ مه‌ندگه‌ ك كورد هه‌وڵ ئه‌وه‌ بيه‌يد خوه‌ى له‌ژیر فشار عه‌ره‌بى و ده‌وڵه‌ته‌یل هاوسا ده‌ربكاو مافه‌یل سه‌روه‌خوه‌یى خوه‌ى ده‌سوه‌ر بكا وه‌ شيوازيگ ئاقڵانه‌ تا له‌وه‌ر سه‌روه‌خوه‌يى كورد و له‌وه‌رانوه‌ر كیشه‌ى نه‌ته‌وایه‌تى و چاره‌نويس ملله‌تيگ سته‌مديده‌ ئاگريان گڕ نه‌گريد و نه‌ونه‌ گرفت له‌وه‌رده‌م ئى ماف ره‌وا ك چه‌نه‌ها ساڵه‌ خه‌و وه‌پيه‌و دوينيد.

وه‌لى وه‌ل ئه‌وه‌يشا گرينگتر له‌گشت ئى هه‌وڵ و ته‌قلا ئه‌وه‌سه‌ ك ئمڕوو له‌ى قوناغه‌ كورد يه‌كڕزى نيشان بيه‌ن له‌ناونى خوه‌يان و گشت لايه‌نه‌يل كوردستانى سه‌رجه‌م ناكووكيه‌يليان بخه‌نه‌ كنار و ده‌س له‌ناوده‌س بوون ئه‌را ده‌سه‌وه‌ركردن ئى سه‌روه‌خوه‌ييه‌.

ئه‌حمه‌د گه‌رميانى

ج . أ