ئاهه‌نگیگ ڕووژ ڕوونامه‌نویسى جه‌هانى له‌ لق به‌غداى سه‌ندیكاى ڕووژنامه‌نویسه‌یل كوردستان

شفق نيوز

وه‌بوونه‌ى ڕووژ ڕووژنامه‌نویسى جه‌هانى ئاهه‌نگیگ ئه‌را ئه‌ندامه‌یلى له‌ باره‌گاى لق له‌ ده‌زگاى شه‌فه‌ق سازدا.

له‌ سه‌ره‌تاى ئاهه‌نگه‌گه‌ هاوكار جه‌واد كازم فه‌یلى به‌ڕێوه‌به‌ر ڕادیۆ شه‌فه‌ق وه‌ناو هاوكار عه‌لى حوسێن فه‌یلى سكرتێر لقه‌گه‌ وه‌گه‌رمى وه‌خه‌یرهاتن هاوكاره‌یل ئه‌ندامه‌یل لقه‌گه‌ كرد ك له‌ى ئاهه‌نگه‌ ئاماده‌بوینه‌ و ئمجا ده‌ق ئه‌و بانگه‌وازه‌ خوه‌نیه‌وه‌ ك سه‌ندیكاى ڕووژنامه‌نویسه‌یل كوردستان ئاراسته‌ى كردیه‌ ئه‌را گشت دام و ده‌زگایه‌یل ڕه‌سانن و ڕووژنامه‌نویسه‌یل كوردستان و له‌تى داوا له‌گشت لایگ كردیه‌ وه‌ ڕه‌وشت كار ڕووژنامه‌نویسى پابه‌ند بوون و بنه‌ما و بنه‌ڕه‌ته‌یل پیشه‌یى بنه‌نه‌ وه‌رچه‌و و په‌یام پیرووز ڕووژنامه‌نویسى بپاریزن و دویره‌و بكه‌فن له‌ هه‌ڵمه‌ته‌یل نادروس ك زه‌ره‌د ڕه‌سنێده‌ ڕه‌وت كاروان ئازادى ڕووژنامه‌نویسى و په‌یام ڕه‌سانن.

بانگه‌وازه‌گه‌ له‌هه‌مان وه‌خت له‌بان پابه‌ندبوین وه‌ بنه‌مایه‌یل وه‌رگرى كردن له‌ ئازادى ڕووژنامه‌نویسى و پله‌ و پایه‌ى له‌ ناوه‌نده‌یل ڕووژنامه‌نویسى له‌ كوردستان جه‌خت كرد ، و داوایش له‌ ڕووژنامه‌نویسه‌یل سه‌ر وه‌ سه‌ندیكا كرد ك"ئه‌رك و وه‌رپرسیارى خوه‌یان ئه‌نجام بیه‌ن جوور ریكخریاییگ كوردستانى ك له‌ ڕزه‌یل یه‌كم خه‌بات مه‌ده‌نى وسیه‌ید".

له‌هه‌مان وه‌خت بانگه‌وازه‌گه‌ى ئه‌نجوومه‌ن سه‌ندیكاى ڕووژنامه‌نویسه‌یل كوردستان جه‌خت له‌بان ئه‌وه‌ كرد ك خێزان ڕووژنامه‌نویسى كوردستانى له‌ى وه‌خته‌ وه‌ چه‌ن خاڵیگ گرنگ پابه‌ند بوون و له‌لیانیش" وسانن گشت جووره‌ هه‌ڵمه‌تیگ ڕه‌سانن ك گه‌نى ڕه‌سنیده‌ خود ده‌زگایه‌یل ڕه‌سانن وه‌رج له‌وه‌گ دژ وه‌ لایه‌نه‌یل زه‌ره‌دمه‌ن بوود". هه‌ر له‌یوا :"وسانن هه‌رچى به‌رنامه‌ و باوه‌ته‌یل تایبه‌ته‌ وه‌ گه‌ردین وه‌شوون دۆسیه‌یل كۆن و نوو ك بوونه‌ مایه‌ى چوكڵه‌چزى داین و گاڵداین و خه‌راوبوین بارووه‌زعه‌گه‌ و زیاتر ته‌په‌وكردنى". و كاركردن ئه‌را:" ئاساییكردن به‌رنامه‌یل ڕادیۆ و ته‌له‌فزیۆنه‌یل لۆكاڵى و كه‌ناڵه‌یل ئاسمانى وه‌شیوه‌یگ ك خزمه‌ت وه‌ ڕه‌وت ڕووژنامه‌نویسى و نیشتمانى بڕه‌سنید".

ئه‌نجوومه‌ن سه‌ندیكاى ڕووژنامه‌نویسه‌یل كوردستان له‌هه‌مان وه‌خت داوایش له‌ سه‌ركردایه‌تیه‌یل لایه‌نه‌یل كوردستانى كرد وه‌ ڕیگه‌ى نویسینگه‌یل ڕه‌ساننیانه‌و وه‌شیوه‌یگ ئه‌رێنى یا ئیجابى وه‌ل ئى بانگه‌وازه‌وه‌ مامه‌ڵه‌ت بكه‌ن و ئه‌وه‌یشه‌ ڕووشنه‌وكرد ك ئى بانگه‌وازه‌ وه‌خاتر خزمه‌ت ڕه‌سانن وه‌ به‌رژه‌وه‌ندى گشت لایه‌نه‌یل هاتیه‌.

 

ڕاپۆرت: ماجد سوره‌میرى