ژن و ده‌رنه‌خستن نهێنى(سڕ)

شفق نيوز

ئه‌ویش له‌وه‌ر ئه‌وه‌ك هه‌میشه‌ حه‌زه‌و قسه‌و ئاژاوه‌ن. وه‌لى وه‌گووره‌ى له‌یه‌كه‌واینه‌یل تازه‌ له‌ ئه‌ڵمانیا چه‌واشه‌ى ئه‌وه‌ ده‌رخستگه‌، ئه‌ویش له‌وه‌ختى ئسپات ئه‌وه‌ كریاگه‌ ك ژنه‌یل زیاتر له‌ پیاوه‌یل مقه‌یه‌تى له‌ نهێنى(سڕ) كه‌ن. چوینكه‌ زانیگ له‌ چه‌ وه‌ختى بایه‌سه‌ باس بكریه‌یگ و له‌چ وه‌ختى گرینگ یاموهمه‌ مقه‌یه‌تى بكریه‌یگ. ئنجا ئه‌و له‌یه‌كه‌وداینه‌ ئشاره‌ت وه‌ ئه‌وه‌ كردگه‌ ك ژنه‌یل رووژانه‌ 16 سه‌عات هوشیارترن له‌ قسه‌و گفتوگوو، وه‌ل ئه‌وه‌یشا وه‌رده‌وام قه‌یرى قسه‌ى نهێنى هه‌س لاى هویچ كه‌سیگ ئاشكراى نیه‌كه‌ن. له‌یه‌كه‌وداینه‌گه‌ ئه‌و نهێنیه‌یله‌ دابه‌شكردگه‌ ئه‌را سێ شیوه‌:

یه‌كم: قسه‌یلیگ هه‌س وه‌هویچ شیوه‌یگ ئاشكرا نیه‌كریه‌یگ، جویر ئه‌و نهێنیه‌یله‌ ك په‌یوه‌ندى راسه‌وخۆ دیرن وه‌ تون وتیژى كه‌سایه‌تى و مسه‌له‌ى شه‌رمه‌زاریه‌وه‌.

دویه‌م: ئه‌وه‌سه‌ ك تویه‌نریه‌یگ له‌لاى شوى یا ژن یا ره‌فیقیگ نزیك ئاشكرا بكریه‌یگ ، ك په‌یوه‌ندى وه‌كیشه‌ى ته‌ندروسى یا پویلیه‌وه‌ دیریگ و ئه‌و جووره‌ نهێنیه‌یله‌ ك 60%ى كیشه‌ى مه‌ردمه‌، ئنجا دراسه‌تیگ ئه‌ڵمانى باس له‌وه‌ ئه‌كا، ك خاوه‌ن ئه‌و جووره‌ نهێنیه‌یله‌ جووره‌ ئازایه‌تییگ دیرن له‌وه‌خت دگان وه‌پیاناین ئه‌و نهێنیه‌یله‌، وه‌لى زوى په‌شیمانه‌و بوون له‌ باسكردنى.

سێیم: ئى جووره‌ له‌ نهێنى ئه‌وه‌سه‌ ك شاره‌زایه‌یل ناوى نانه‌ وه‌ نهێنى ئاشكراكریاگ و له‌وه‌ر ئه‌وه‌ك په‌یوه‌ندى وه‌كیشه‌ى رووژانه‌و كار و ماڵ و جاده‌وه‌ نه‌یریگ ، نزیكه‌ له‌ مه‌ته‌ڵ. وه‌ل ئه‌وه‌یشا له‌یه‌كه‌وده‌ره‌یل جه‌خت له‌بان ئه‌وه‌یش كردنه‌، ك ئاشكراكردن نهێنى (سڕ) فره‌جار چووگه‌وه‌ ئه‌وه‌ك ئیمه‌ وه‌خت ته‌واویگ نه‌یریم ئه‌را هه‌ڵگرتنى یا ئه‌ڕا شاردنه‌وه‌ى له‌ دڵمان، یا وه‌سه‌به‌ب بى توانایى خود كه‌سه‌گه‌وه‌ له‌ مقه‌یه‌تیكردن نهێنى. ئه‌و دراسه‌ته‌ ئه‌وه‌یش ده‌رخستگه‌ ك مناڵه‌یل تویه‌نن چه‌ن ساڵیگ مقه‌یه‌تى له‌ نهێنى بكه‌ن، وه‌لى له‌وه‌ختى داوا له‌لیان كریه‌یگ  مقه‌یه‌تى له‌و نهێنیه‌ بكه‌ن سه‌ركه‌فتگ نین له‌لى. بیگومان وجوود نهێنى له‌ژیان هه‌ر ئاده‌میزادیگ  چ ژن چ پیاو، له‌یوا له‌لى ئه‌كا كه‌میگ ناڕووشنا(غامز) بوود، ئنجا ژنه‌یل خاسترن له‌ى باوه‌ته‌وه‌ زیاتر له‌و پیاوه‌یله‌ ك خاوه‌ن ڕا نه‌ون له‌ئاشكراكردن نهێنیه‌یل، چوینكه‌ فره‌جار دڵه‌ڕاوه‌كى لاى پیاوه‌یل زیاتر له‌ ژنه‌یل دروس بوود.