جياوازيه‌يل ناونى مه‌ژگ ئافره‌ته‌يل و پياوه‌يل

شفق نيوز

- سه‌رجه‌م فامستن ناوه‌ند مه‌ژگ له‌لاى پياوه‌يل گورجتره‌ له‌ فامستن مه‌ژگ ئافرته‌يل.

- پڕى مه‌ژگ پياو سێ وه‌رانوه‌ر گورجتره‌ له‌ مه‌ژگ ئافره‌ت.

- ئاست ژنه‌فتن لاى ئافره‌ته‌يل به‌رزتره‌ له‌ ئاست ژنه‌فتن پياوه‌يل، ك تاڕاده‌يگ تواماى ژنه‌فتن ده‌نگه‌يل نزميش ديرێد و ئحساس وه‌ ئاڵشتبوين له‌ره‌ى ده‌نگيش ئه‌كا.

- پياوه‌يل فيشتر وه‌رگه‌ى ده‌نگه‌يل هه‌راسانكه‌ر ئه‌گرن.

- ئاست دوينستن ئافره‌ت له‌ تيه‌ريكى خاستره‌ له‌ دوينستن ژنه‌يل و فريه‌يش هسيارن وه‌ ره‌نگ قرمز.

- ئافره‌ته‌يل له‌ شه‌وق خوه‌ر هسيارترن تا پياو، وه‌رگريانيش وه‌رانوه‌ر نه‌خوه‌شيه‌يل كه‌متره‌ له‌ پياوه‌يل.

- ئافره‌ته‌يل هس تامكردنيان فيشتره‌ له‌ پياوه‌يل وه‌تايبه‌ت تامه‌يل ناخوه‌ش.

- ئافره‌ته‌يل ئحساس تامكردن مادده‌يل شيرين له‌لايان وه‌هيزتره‌ له‌ پياوه‌يل، ك ئه‌ويش وه‌ چه‌واشه‌ى پياوه‌يل ك ئحساس تام مادده‌يل شوور له‌لايان فيشتره‌.

- ئافره‌ته‌يل لويتيگ هسيارتر ديرن و تواناى بووكردن ئه‌ره‌ق پياوه‌يل ديرن و له‌يوا باسى ئه‌كه‌ن ك منێده‌ بوو مسك و له‌ هه‌مان وه‌خت وه‌ميلكيش زاننه‌ى.

- ئافره‌ته‌يل فيشتر كاريگه‌رى مادده‌يل هووشبه‌ر ها بانيان و زويتر له‌ پياوه‌يل هووكاره‌ى بوون.

- مه‌ژگ ئافره‌ت چالاكتره‌ له‌ مه‌ژگ پياوه‌يل له‌ بوار كار.

- ئافره‌ته‌يل فيشتر له‌ پياوه‌يل تويش بيزارى ئه‌يه‌ن.

- يايگرتن زووانه‌يل له‌لاى ئافره‌ته‌يل فيشتره‌ له‌ پياوه‌يل.

- پياوه‌يل له‌ شماريارى سه‌ركه‌فتگترن له‌ ئافره‌ته‌يل، وه‌لێ ئافره‌ته‌يل له‌ يايگرتن زووانه‌يل.

- وه‌ل ئه‌وه‌گ ك هه‌ردوگ ره‌گه‌ز جياوازى ديرن له‌ هويره‌وكردن له‌ مه‌ژگ، وه‌لێ هه‌دوگيان نزيكن له‌ تاقيكردنه‌وه‌ى ئاست مه‌ژگ وه‌گشتى.

س. سۆران