عراق گرفتاره‌ وه‌ده‌س تونڕه‌وى و ده‌مارگیرى نه‌ك له‌ژیر فشار فیدراڵى

شفق نيوز

و ملله‌ت و سه‌ركرده‌یلى نیشانده‌ن، ك ئه‌ویش له‌و فكره‌ى دویاكه‌فتگ  و تاریخ كه‌سایه‌تى خوه‌یه‌وه‌ تیه‌یگ  و گشت چشتیگ  تیكه‌ڵ یه‌كترى ئه‌كاو تاوانبار ئى هه‌رێم غه‌درله‌لیكریاگ و ملله‌ت كوردستانه‌ ئه‌كا.

ئه‌ڵڵاجه‌وى ها له‌ورا هه‌ر وه‌ختى سه‌ركرده‌یل كورد هه‌وڵ و ته‌قلاى بنیاتناین عراق بیه‌ن و فره‌جاریش له‌بان هساو هه‌رێم، دى كه‌سه‌یل وه‌رانوه‌ر له‌خوه‌یانا ئه‌وان ته‌نیا له‌وه‌ر خاتر به‌رژه‌وه‌ندى كورد هه‌وڵ و ته‌قلایان خه‌نه‌ كار، وه‌ل ئه‌وه‌یشا خوه‌یان خاس زانن ك بنیاتناین ده‌وڵه‌ت عراق له‌ بنه‌ڕه‌ته‌وه‌ په‌یوه‌سه‌ وه‌ داگیركه‌ر و گشت عراقیه‌یل جویر ئه‌وه‌ك له‌سه‌ره‌تاوه‌ ره‌زامه‌نى نیشان نه‌یان له‌بان ئه‌و مه‌سه‌له‌ى داگیركاریه‌، وه‌لى نیه‌وگ حاشا له‌وه‌ بكریه‌یگ  ك كورد نه‌خش یاده‌ور فره‌یگ  داشت له‌ بنیاتناین بنه‌ڕه‌ت ئى ده‌وڵه‌ته‌و هه‌ر ئه‌وان دوباره‌ ده‌سكردنه‌ ئاوه‌دانى و دروسكردنه‌وه‌ى عراق تازه‌و بیجگه‌ ئومید و ئاره‌زووه‌یلیانیش ك هه‌میشه‌ نیه‌شارنه‌وه‌ى له‌هه‌مان وه‌ختیش په‌یوه‌ندى بته‌ویگ  دیرن وه‌ل كه‌سه‌یل وه‌رانوه‌را ك هه‌رچه‌نى مه‌ردمان ده‌وروه‌ریان وه‌ ره‌فتار و مامڵه‌ى ناوه‌جى ناڕه‌حه‌تیان كه‌ن، وه‌لى كورد وه‌ل ئه‌وه‌یشا حورمه‌ت ملله‌ت عه‌ره‌ب گرن، ك وه‌داخه‌وه‌ ئه‌وان هه‌ر بوینه‌ مایه‌ى ناڕه‌حه‌تى و ژان ئه‌را كورد و تائیسه‌یش ئه‌و ژانه‌ هه‌ر مه‌ندگه‌و خاسه‌و نه‌ویه‌، ئمجا له‌وه‌رانوه‌ر ئه‌وه‌یش دوینید له‌ى قوناغه‌ بڕیگ  له‌ تونڕه‌وه‌یل و ده‌مارگیره‌یل خوه‌یان نیشانده‌ن و نه‌خوه‌شى حوكم مه‌ركه‌زى ده‌روینى وه‌ دریژایى ساڵه‌یل نیارنه‌ هویر خوه‌یان و بوونه‌ وه‌ربه‌س له‌وه‌رده‌م ملله‌ت كورد، ئه‌ویش له‌شوون ئه‌وه‌ك وه‌زع و سه‌قامگیرى ناوچه‌گه‌ وه‌ چه‌و خوه‌یان دینه‌ ك چوین وه‌ ئازادى و به‌خته‌وه‌رى و ئاسایش و ئاشتى ژیه‌ن. بیگومان له‌ى قوناغ ئیسه‌ سه‌ركرده‌یل كورد فیدراڵى هه‌ڵوژانن، وه‌لى مه‌سه‌له‌گه‌ ها له‌ورا هه‌ر وه‌ختى وه‌زعه‌گه‌ خاس بووگ و كیشه‌و گرفت ڕوى نه‌یه‌یگ ، ئه‌وه‌ كه‌سه‌یلیگ  هه‌وڵ ئه‌وه‌ ده‌ن ئه‌و وه‌زعه‌ بشیونن و كیشه‌و گرفت دویننه‌وه‌ له‌باوه‌ت مه‌سه‌له‌ى فیدراڵیه‌وه‌ ك ئه‌ویش وه‌ مه‌هانه‌ى ئه‌وه‌ك خوسه‌و بوغز بخه‌نه‌ ناونى هه‌ردوگ ملله‌ت كورد و عه‌ره‌ب، دى مه‌گه‌ر به‌عزه‌ جاریگ  كه‌سه‌یلیگ  بفامن له‌وه‌زعه‌گه‌.

چالاكى ره‌سانن یا ئعلامى و سیاسى عه‌ره‌بى وه‌شیوه‌ى گشتى له‌وه‌ر خاتر به‌رژه‌وه‌ندى تایبه‌ته‌و له‌هه‌مان وه‌خت چه‌سپانن خوسه‌و كینه‌ت له‌ناونى ملله‌ته‌یل وه‌ ه‌رژه‌وه‌ندى خاسیگ  خوه‌یان دوینن، وه‌لى ره‌سانن یا ئعلام كوردى ته‌نانه‌ت جموجویلیش له‌وه‌ر خاتر وه‌رگیریكردن له‌خوه‌ى ناكاو دوینید وه‌بان ئه‌وه‌یشه‌وه‌ تاوانبار كریه‌یگ  وه‌ئه‌وه‌ك گوایا نه‌خش یا ده‌ور خراو دیریگ ، ئمجا فره‌جاریش زه‌خمه‌یل كورد كولیه‌نه‌وه‌ له‌لایه‌ن ئه‌وانه‌ك خوه‌یان وه‌ رووشنهویر زانن ك وه‌ تونڕه‌وى و ده‌مارگیریه‌وه‌ نوڕنه‌ كیشه‌ى كورده‌یله‌وه‌، یا له‌باوه‌ت په‌یوه‌ندى هه‌رێم و حكوومه‌ت مه‌ركه‌زى ئه‌وه‌ بیگومان ده‌ستوور و قانوون گرته‌سه‌ى خوه‌ى و كوردیش هه‌ق خوه‌ى بوى داواى سه‌روه‌خوه‌یى بكرداگ، وه‌لى كورد فیدراڵى هه‌ڵوژان له‌ى قوناغه‌و یه‌یش مه‌عناى ئه‌وه‌ نیه‌ لایه‌ن وه‌رانوه‌ر ناڕه‌حه‌ت بكاو بایه‌سه‌ ملله‌ت عراق له‌ى چشته‌ بڕه‌سنه‌وه‌و بزانن مه‌عناى فیدراڵیه‌ت چه‌س، وه‌ل ئه‌وه‌یشا ئه‌و خه‌یر و سامانه‌یله‌ ك هه‌رێم كوردستان دیریگه‌ى به‌سه‌ ئه‌را ئاسووده‌یى و به‌خته‌وه‌رى ملله‌ته‌گه‌ى له‌ به‌ش كه‌س نه‌وردگه‌و ملله‌تیگن خاوه‌ن حورمه‌ت و خاستر ئه‌وه‌سه‌ ریز و حورمه‌ت له‌لیان بگیریه‌یگ .