ئه‌ی فه‌يليه‌يل دويا چاره‌سه‌ر"داخكردن"نيه‌

شفق نيوز

يه‌كيگ له‌ گرينگترين هووكاره‌يل سه‌ره‌كی گله‌ونه‌خواردن زوورم فريه‌ی كورده‌يل فه‌يلی ئه‌را عراق وه‌ بوونه‌ی ئه‌قڵيان و وه‌رگه‌نه‌گرتن بارودوخه‌گه‌س و ئاماژه‌يش وه‌و باسه‌ كردم تا بويشم هه‌نای ك خوداوه‌ند ئه‌قڵ و ماريفه‌ت ئه‌ياده‌ كه‌سيگ له‌ژان و مه‌ينه‌تيه‌يلی زيای ئه‌دێ فيشتر له‌ باقی كه‌سه‌يل تر، ئمجا ئمڕوو فه‌يليه‌يليش فيشتر له‌ كه‌سه‌يل نيشته‌جی بار ناوخوه‌يی له‌ عراق دڵته‌نگيان ئه‌كاو هه‌رچه‌نيگ شيوه‌و قه‌واره‌ی كاره‌ساته‌يل يه‌ك له‌شوون يه‌ك فريه‌وه‌ بوون ك وه‌ جووريگ نايه‌ده‌ خه‌ياڵ ئاده‌ميزاد له‌ گشت تايفه‌و پيكهاته‌يلی له‌ی عراقه‌، ئه‌وه‌ خه‌ميگ پلكيه‌ێده‌ رووڵه‌يل ئی پيكهاته‌ له‌ هه‌ر ماوايگ بچن و نيشته‌جی بوون.

فه‌يليه‌يل جوور باقی مه‌ردمان تر، جياواز نين له‌ مه‌ردم وه‌ ئه‌وه‌گ ئحساس وه‌ ژان و ناڕه‌حه‌تی په‌يوه‌سه‌ وه‌ ژيانيان و هه‌نای ك ده‌س نزايش ئه‌را خودايش به‌رزه‌و ئه‌كه‌ن داوا له‌لی ئه‌كه‌ن له‌ژان عراقيه‌يل كه‌مه‌و بكا، ته‌نانه‌ت ك هه‌رچه‌نيگيش له‌ غوربه‌ت بمينن و ئاواره‌ بوون له‌ناونی وڵاته‌يل و ته‌نات ئه‌گه‌ر مافه‌يليانيش نارنه‌و يا ته‌رم بيسه‌روشوونه‌يليانيش نه‌ويننه‌و.

عه‌لی حسێن فه‌يلی