خه‌نستن و چاره‌سه‌ر نه‌خوه‌شى

شفق نيوز

وه‌ل ئه‌وه‌يشا خه‌نستن ده‌سميه‌تده‌ره‌ ئه‌را وه‌هيزكردن ده‌زگاى وه‌رگيرى و بڕيگ له‌ حاڵه‌ته‌يل خه‌مووكى. زانايه‌يل باس له‌وه‌ ئه‌كه‌ن ك خه‌نستن ئه‌را ماوه‌ى 15 ده‌قه‌ شايه‌ت 40 پله‌ى گه‌رمى بتاونيده‌و، بيجگه‌ ئه‌وه‌يش 10 ده‌قه‌ خه‌نستن ك وه‌ جووريگ له‌ش وه‌پيه‌و بله‌رزيه‌ى ده‌سميه‌تده‌ره‌ ئه‌را كه‌مه‌وكردن ژان له‌ش.

ئه‌گه‌ريش فيشتر بچيمنه‌ بندروس قانجاز خه‌نستن، ئه‌وه‌ ده‌ركه‌فتگه‌ ك خه‌نستن جواودانه‌وه‌يگ چاره‌سه‌ر ده‌روينى و لاشه‌ييه‌و نزيكه‌ى 50 ده‌مار له‌ روخسار ئه‌خاده‌ جموجويل وه‌تايبه‌ت له‌ ده‌ه‌ورگرد ده‌م و جار له‌يوايشه‌ هه‌س ئه‌دێده‌ هووكار رشيان ئه‌سر چه‌و.

ماناى ئه‌وه‌سه‌ خه‌نستن نه‌خش گرينگ ديريد ئه‌را ته‌ندروسى ئاده‌ميزاد و هه‌ر وه‌و خاتريشه‌ چوار ڕى هه‌س ك خه‌نستن له‌تى به‌شداره‌ له‌ خاسه‌وكردن ته‌ندروسى، يه‌كه‌ميان جموجويل ئه‌خاده‌ ده‌ماره‌يل و ده‌زگاى وه‌رگيرى و ده‌رخستن هۆرمۆن، دويه‌ميش خاسكردن ئحساس له‌ ژيان ئاده‌ميزاد، سێيه‌ميش زه‌مينه‌سازى ئه‌كا ئه‌را داناين ستراتيجيه‌ت مامڵه‌كردن خاستر وه‌ل فشاره‌يل جوراوجوور، چواره‌ميش نه‌فداره‌ ئه‌را چالاكيه‌يل كومه‌ڵايه‌تى و زيايكردن قانجازه‌يل ته‌ندروسى.

هه‌ر له‌ى باوه‌تيشه‌و ريبۆڵ ئويشيد: چاره‌سه‌ر وه‌ خه‌نستن بايه‌سه‌ پايه‌ى خوه‌ى وه‌ربگريد جوور پزيشكى ته‌ماميگ له‌ چاره‌سه‌ر نه‌خوه‌شيه‌يل، يه‌يش ماناى ئه‌وه‌سه‌ ك ئيمه‌ى ئاده‌ميزاد بايه‌سه‌ خه‌نستن بخه‌يمنه‌ كار و ژيان رووژانه‌مان و به‌شدارى كه‌سه‌يل تريش بكه‌يم له‌ خه‌نستن.

محه‌مه‌د عه‌بدوڵڵا

ج . أ