ئاو مه‌نگ په‌یوه‌ندى حكوومه‌ته‌يل مه‌حه‌للى و فیدرالى تیه‌ریده‌ جووش

شفق نيوز

كه‌ربه‌لاى پیرووز كرده‌یان، كاردانه‌وه‌ یا رد فعله‌یل جیاجیاى فره‌یگ په‌یاكرد له‌باوه‌ت ئه‌و گیروگرفته‌یل ئه‌و قانوونه‌ ك په‌یوه‌ندى ناوبه‌ین حكوومه‌ت فیدرالى و حكوومه‌ته‌یل ناوخۆیى یا مه‌حه‌للى ریكخه‌ید، و قه‌وڵ دا ك ئه‌نجوومه‌ن نوێنه‌ره‌یل كاربكه‌ید ئه‌را چاره‌سه‌ركردن جیاوازى ده‌سڵاته‌یه‌یل هه‌ردولا.

قازى وائل عه‌بدولله‌تیف نوێنه‌ر وه‌رین ئه‌نجوومه‌ن نوێنه‌ره‌یل له‌ى باوه‌ته‌ له‌ په‌یوه‌ندییگى وه‌ل ماڵپه‌ڕ شه‌فه‌ق ئویشى:"په‌یوه‌ندى ناوبه‌ین حكوومه‌ت فیدرالى له‌ لایگ و حكوومه‌ت هه‌رێم كوردستان و حكوومه‌ته‌یل مه‌حه‌للى له‌لایگ تر هیمان وه‌شیوه‌ى خاسیگ ڕێك نه‌خریاس، له‌وه‌ر قانوون پارێزگاگان شماره‌ (21) ساڵ 2008، یه‌یشه‌ ئه‌وه‌ له‌لیمان تواید ك دوباره‌ وه‌شیوه‌یگ جددى بنووڕیمنه‌ پى، وه‌گووره‌ى ئه‌و سستم فیدرالیه‌ ك له‌ ده‌ستوور هه‌میشه‌یى هاتیه‌".

زیاتریش وت :" بایه‌سه‌ ئه‌و گیروگرفته‌یله‌ ده‌سنیشان بكه‌یمن ك پارێزگاگان دیرنه‌ى تا په‌رله‌مان بتویه‌نى چاره‌سه‌ریان بكه‌ید وه‌ ڕیگه‌ى داناین قانوونه‌یل گونجیاییگ له‌ى باوه‌ته‌".

جه‌ختیش كرد له‌بان گرنگى هه‌ڵسیان وه‌ ئۆپه‌راسیۆنیگ له‌یه‌كه‌وداین جددیانه‌ى په‌یوه‌ندیه‌گان و ڕیكخستن كار له‌ناوبه‌ین حكوومه‌ت فیدراڵى و حكوومه‌ت هه‌رێم كوردستان و حكوومه‌ته‌یل مه‌حه‌للى و یه‌یشه‌ كار گرنگیگه‌ تا حكوومه‌ته‌یل مه‌حه‌للى هه‌نگامه‌یل دروس و ڕاسیگ بنه‌ن". و ئه‌وه‌یشه‌ ڕووشنه‌وكرد ك :" قانوون عیراقى، لامه‌ركه‌زیه‌ى ئیدارى هه‌ڵوژانیه‌، هه‌روه‌ك فره‌ له‌ وڵاته‌یل جه‌هان، وه‌لى ده‌سڵاته‌یل فره‌یگ نه‌یاسه‌ ئه‌نجوومه‌نه‌یل پارێزگایه‌یل تا بتویه‌نن گیروگرفت و كێشه‌یل خوه‌یان چاره‌سه‌ربكه‌ن".

ئاماژه‌یش وه‌وه‌دا ك :" بایه‌ت بوى وه‌زاره‌ته‌گان واز له‌ بڕیگ ده‌سڵات خوه‌یان بارن ئه‌را ئه‌نجوومه‌نه‌یل پارێزگایه‌یل تا یانه‌یش بتویه‌نن پارێزگایه‌یل خوه‌یان بینا بكه‌ن".

تارق حه‌رب پسپۆر له‌ بوار قانوونناسى له‌ په‌یوه‌ندییگى وه‌ل ماڵپه‌ڕ شه‌فه‌ق له‌ى باوه‌ته‌ ئویشى:" پارێزگایه‌یل ده‌سڵات زیایه‌یگ توان و ده‌سڵات و توانایگ فره‌تر ده‌نه‌ حكوومه‌ته‌یل مه‌حه‌للى خوه‌یان ك شایه‌ت بڕه‌سیده‌ ئه‌و ده‌سڵاته‌ ك دریاسه‌ هه‌رێمیگ، و یه‌یشه‌ حكوومه‌ته‌یل مه‌حه‌للى نانه‌سه‌ى ئه‌قڵ خوه‌یان، وبویه‌سه‌ مایه‌ى تاوتوێكردن یا نقاش ناوبه‌ین سه‌رۆك ئه‌نجوومه‌ن نوێنه‌ره‌یل و ئه‌نجوومه‌نه‌یل پارێزگایه‌یل".

ئه‌وه‌یشه‌ ئاشكراكرد ك:"قانوون ئه‌نجوومه‌ن پارێزگایه‌یل شماره‌ (21) ساڵ (2008) ده‌سڵاته‌یل فراوانیگ داسه‌ پارێزگایه‌یل؛ جوور ده‌سڵات قانوون نویسانن یا تشریع، وه‌لى له‌ ده‌ستوور هه‌میشه‌یى چشتیگ نیه‌ ناوى تشریعات پارێزگایه‌یل بوود، به‌ڵكوو قه‌یرى ده‌سڵات ئیدارى و دارایى دریاسه‌ پیان".

زیاتریش وت :"ده‌ستوور بڕیار ئه‌وه‌ نه‌یایه‌ ك پارێزگایه‌یل ده‌سڵات و توانایه‌یل هه‌رێم وه‌ربگرن، وه‌لى هه‌ر پارێزگایگ یا زیاتر له‌ یه‌ك پارێزگا تویه‌نن داواى ئه‌وه‌ بكه‌ن ك بوونه‌ هه‌رێمیگ و له‌و وه‌ختیشه‌ تویه‌نن ده‌سڵات هه‌رێمیگ وه‌ربگرن و وه‌كارى بارن".

ئه‌وه‌یشه‌ ڕووشنه‌وكرد ك :" ڕى دیرى ك ئه‌نجوومه‌ن نوێنه‌ره‌یل قانوون پارێزگایه‌یل دوباره‌ بیه‌یده‌ یه‌كا و ته‌ماشاى كه‌م كوڕیه‌گانى بكه‌ید، تا بتویه‌نى هامار یا تعدیلى بكه‌ید وه‌و شیوه‌ ك قه‌بوول وه‌داواكاریه‌یل پارێزگایه‌یل بكه‌ید و چه‌واشه‌ى ده‌ستووریش نه‌ود".

شایان وتنه‌ ك نوجێفى له‌ ئان سه‌ردانه‌گه‌ى ئه‌را كه‌ربه‌لا ئه‌وه‌ ئاشكراكرد ك هه‌وڵ و ته‌قه‌لایه‌یلیگ هه‌س ئه‌را گریه‌داین كۆنفرانسیگ فراوان له‌ مانگ هاتى ك گشت حكوومه‌ته‌یل مه‌حه‌للى بگریده‌وه‌ ئه‌را تاوتوێكردن یا مناقشه‌ى وه‌یه‌كاچوین ده‌سڵاته‌یل له‌ناونى حكوومه‌ته‌یل مه‌حه‌للى و حكوومه‌ت فیدرالى، و په‌یوه‌ندى ناوبه‌ین ئه‌ى دولا وه‌ ته‌م و مژاوى وه‌سفكرد له‌ قانوون وه‌ تایبه‌تى قانوون شماره‌ 21 ك ده‌سڵاته‌یل پارێزگایه‌یل دیاریكرد ك شكات فره‌یگ له‌لى كریه‌ید له‌ لایه‌ن پارێزگایه‌یله‌و ك ئى قانوونه‌ گیروگرفت و كێشه‌یل فره‌یگ هاتى و وه‌زاره‌ته‌یل ئه‌وقه‌ره‌ ڕیز له‌لى نیه‌گرن.