فه‌يلى و مه‌سيحى و ئێزيدى و توركمان و شه‌به‌ك قاره‌مان و شه‌هيد هه‌ردوگ شووڕش ئه‌يلوول گوڵانن

شفق نيوز

ئمجا هه‌رچه‌نى گشت پيكهاته‌يل له‌ ئێزيدى و فه‌يليه‌يل و مه‌سيحى و شه‌به‌ك و پيكهاته‌يل تر حزب و ره‌وته‌يل سياسى ديرن، وه‌لى له‌ هه‌مان وه‌خت باوه‌ڕ وه‌ ئامانجه‌يل جمشت ئازاديخواز كورد و بارزانى نه‌مر ديرن له‌ نه‌خشه‌ى ئاينده‌ى كوردستان و چه‌سپانن مافه‌يليان جوور خاڵه‌يليگ ك هويچ وه‌ختيگ ده‌س له‌ليان هه‌ڵناگيريه‌ێد له‌ شووڕش كورد.

وه‌ل ئه‌وه‌يشا هه‌رچه‌نى جمشت ئازاديخواز كورد جمشتيگ خاوه‌ن سفه‌ت ئنكارى نه‌وى له‌بان چينيگ يا تايفه‌يگ يا نه‌ته‌وه‌يگ دياريكرياگ، به‌ڵكوو گشت نه‌ته‌وه‌و پيكهاته‌و ئايينه‌يل گرته‌ خوه‌ى و بارزانى نه‌مريش له‌گشت بوونه‌و ياده‌يل هه‌ميشه‌ داوا له‌ گشت حكومه‌ته‌يل عراقى يه‌ك له‌شوون يه‌ك عراقى كرد مافه‌يليان بچه‌سپنێد وه‌ يه‌كسانى و دادگه‌رى و گشت مافه‌يليان له‌ ده‌ستوور بچه‌سپنێد و دگان وه‌پيان بنه‌ێد جوور به‌شيگ جيانه‌كرياگ له‌ رووڵه‌يل ملله‌ت كوردستان.

شووڕش كورد هويچ وه‌ختيگ فه‌رمووش پيكهاته‌ يا چين وتايفه‌يگ نه‌كردگه‌و نه‌ياسه‌ى ده‌س قه‌ده‌ر يارژمه‌يل ديكتاتۆرى يه‌ك له‌شوون يه‌ك و بيبه‌شيان نه‌كردگه‌ له‌ مافه‌يل ره‌وايان و نموونه‌يش ئه‌را ئه‌وه‌ له‌ باس و دروشمه‌يل بارزانى نه‌مر دياره‌، ك به‌تاڵ نه‌وى له‌ داواكردن مافه‌يل گشت ئه‌و نه‌ته‌وه‌و تايفه‌و ئايينه‌يل و كه‌مينه‌يل تر، چوينكه‌ ته‌ماشاى گشت رووڵه‌يل كوردستان وه‌ يه‌ك چه‌و كردياد و جياوازى له‌ناونيان نه‌كرد و هه‌ميشه‌ ده‌روازه‌ى به‌شداريكردن له‌ شووڕشه‌يل كورد و ئامانجه‌يلى واز بوى ئه‌را گشت كه‌سيگ و خه‌يوه‌ت كورد بوى ك تائيسه‌يش گشت چين و پيكهاته‌يل وه‌بى جياوازى گرته‌سه‌ خوه‌ى، ك يه‌يش مێژوو له‌بانى شايه‌تى ئه‌ياد.

بيجگه‌ ئه‌وه‌يش هيمان خوين شه‌هيده‌يل له‌ پيكهاته‌يل تر شوونه‌وارى و ره‌نگى دياره‌ له‌ كويه‌ و ئاوايه‌يل كوردستان و هيمان شه‌هيده‌يل ئێزيدى و مه‌سيحى و شه‌به‌ك و فه‌يلى و توركمان تا رووژ ئمڕوومان ئاشكراس له‌لاى گشت كه‌سيگ، ك يه‌يش نيشانه‌يگ تر په‌يره‌وكردن ريڕه‌و بارزانى نه‌مره‌ له‌ جيوه‌جيكردن مافه‌يل و قورتاربوين له‌و‌ زوڵم و سته‌مه‌ ك هاته‌ تويشيان جوور پيكهاته‌يل تر له‌ رووڵه‌يل كوردستان.

بيگومان ناو شه‌هيده‌يل هويچ وه‌ختيگ له‌هويره‌و ناچێد و ناتويه‌نيم فه‌رامووشيان بكه‌يم، هه‌ر له‌وه‌ر ئه‌وه‌يش ئاسان نيه‌ له‌هويريانه‌و بووه‌يم يا فه‌رامووش رۆليان بكه‌يم له‌ ئازادكردن كوردستان له‌ژيرده‌س سته‌مكارن ئمجا ئه‌وه‌گ خه‌بات كرد وه‌خاتر ئازادكردن كوردستان شان وه‌شان بارزانى نه‌مر بوينه‌ نيشانه‌يگ ئه‌را رووڵه‌يل پيكهاته‌يليان و پاڵنه‌ريگ بته‌و ئه‌را به‌شداركردن پيكهاته‌ يا تايفه‌ يا رووڵه‌يل ئايينه‌گه‌ى له‌ كاروان ئاوه‌دانى و بنياتناين و مقه‌يه‌تيكردن خاك كوردستان و به‌شدارى له‌ گشت كابينه‌يل حكومه‌ت كوردستانى.

لوقمان ده‌رويش زاخۆيى