وه‌رپرس ده‌زگای شه‌فه‌ق پیروزبایی یاد ئسراو معراج كرد

شفق نيوز

وه‌ناو خودای به‌خشه‌نده‌و میهره‌بان

وه‌بوونه‌ی هاتن یاد شه‌و ئه‌سرا و معراج، وه‌ناو خوه‌م و سه‌رجه‌م كارمه‌نده‌یل ده‌زگای ره‌سانن و رووشنهویری كورده‌یل فه‌یلی(شه‌فه‌ق) گه‌رمترین پیروزباییه‌یل ئاراسه‌ی موسه‌ڵمانه‌یل جه‌هان وه‌تایبه‌ت هاووڵاتیه‌یل عراقیمان ئه‌كه‌م و له‌ خودای گه‌وراو خاوه‌ن كه‌ره‌م ئه‌خوازم ك خه‌یر و به‌ره‌كه‌ت خوه‌ی بوارنیگه‌ مل موسه‌ڵمانه‌یل جه‌هان و ملله‌ت و وڵات ئیمه‌یش له‌ شه‌ڕ دوژمنه‌یل و پیلان ناحه‌زه‌یل بپارێزی و ئاسایش و سه‌قام له‌ وڵاته‌گه‌مان به‌رقه‌رار بكا.
بی گومان سه‌فه‌ر ئه‌سراو معراج خه‌ڵات خوداوه‌ند گه‌ورا ئه‌را په‌یغه‌مبه‌ر ئه‌زیز ئسلام بوی وه‌خاتر ئه‌و هه‌مگه‌ زه‌حمه‌ت و شه‌كه‌تیه‌یله‌ ك ئه‌را چه‌سپانن ئاین پیروز ئسلام كیشاره‌ی وهه‌میش موعجزه‌ی ئه‌و زات پاكه‌ بوی ئه‌را موسه‌ڵمانه‌یل و په‌یڕه‌وه‌یل ئاینه‌یلترجه‌هان. سه‌رله‌نوو سه‌فه‌ر په‌یغه‌مبه‌ر گه‌ورای ئسلام له‌ شه‌و ئه‌سراو معراج له‌ ئوممه‌ت ئسلام وه‌تایبه‌ت هاوزووانه‌یل ئه‌زیزمان موباره‌ك بوود.    

عه‌لی حوسێن فه‌یلی
سه‌روك ئه‌نجوومه‌ن وه‌ڕێه‌وبردن ده‌زگای ره‌سانن و رووشنهویری كورده‌یل فه‌یلی– شه‌فه‌ق