زاموان له‌ مێژوو وشه‌ى كوردى

شفق نيوز

بیگومان زاموان وشه‌ى ئه‌ڵاجه‌وییگ نیه‌ له‌ زووان ئیسه‌ى كوردى هاوچه‌رخ و هه‌ر ئه‌وه‌سه‌ ك ته‌نیا بڕیگ ئاڵشتكارى هاته‌سه‌ بانى، وشه‌ى "زام" ماناى "زه‌خم" ئه‌یاد، وشه‌ى "وان"یش جوور تایبه‌ته‌ندى مقه‌یه‌تیكردن و خاوه‌ندارێتى لكیه‌یده‌ قه‌ى بڕیگ وشه‌ى جوور "پاسه‌وان ، گاوان ، شوان...هتد"، ماناى ئه‌وه‌سه‌ وشه‌ى زاموان وه‌ ماناى "وڵات زه‌خم" یا خاك زه‌خمى ئه‌یاد، ئمجا وڵات لۆلۆبۆم له‌و وه‌خته‌یله‌ ك ناوى زاموان یا زه‌میانى بویه‌ چه‌نه‌ها جار په‌لامار دریاگه‌و داگیر كریاگه‌و خوین هه‌زاران ئاده‌میزاد لۆلۆییش له‌تى رشیاگه‌، دى ئه‌و باوه‌ڕیشه‌ وه‌ته‌مامى وه‌ل ئه‌و ناوه‌ یه‌كه‌و ئه‌گریدو ئیسه‌یش له‌نویسریاگه‌یل فره‌یگیش ناو كوردستان وه‌ وڵات "وه‌فر و خوین" بریاگه‌.

هه‌ر له‌وه‌ر ئه‌وه‌یش ئه‌تویه‌نیم بویشیم زه‌میان یا زه‌ویان، ئه‌گه‌ر ئى دو وشه‌ له‌جیاى زاموان وه‌كار هاتوید، ئه‌ویش هه‌ر ئه‌ڵاجه‌وى نیه‌ له‌زووان ئمڕوو كوردى، ك گشت ئه‌و وشه‌یله‌ ماناى خاك به‌خشن.

ئمجا ئه‌گه‌ر لۆلۆوه‌یلیش ناو وڵاته‌گه‌یان نانه‌سه‌ زه‌میان یا زه‌میا یا زاموان، ئه‌وه‌ بیگومان تا ئیسه‌یش شوونه‌وارى هه‌ر مه‌ندگه‌و ئاشكراسه‌ له‌ مێژوو وشه‌ى كوردى و مێژوو ناو شاره‌یل له‌ سه‌رده‌م كویه‌ن.

رزگار ره‌نجه‌ڕۆ

ج . أ