مه‌رزه‌یل علمانى و دیموكراسى عراق تازه‌

شفق نيوز

وه‌جیكردنه‌یله‌ ك جویر متمانه‌یگ شه‌رعى و سه‌رچه‌وه‌یگ سه‌ره‌كى قانوونه‌یله‌، وه‌ل ئه‌وه‌یشا ئه‌گه‌ره‌یل جووراو جوور هه‌س ئه‌را خوه‌نستن و شیه‌وكردنه‌یل جیاجیایگ  ئه‌ڕاى كریه‌یگ، وه‌تایبه‌ت له‌ مه‌سه‌له‌ى تیكه‌ڵكردن ریڕه‌و دیموكراسى وه‌ل شه‌ریعه‌تا له‌زیاتر له‌شوونیگ.

له‌یرا تیه‌یمنه‌ بان ئه‌وه‌ك زیاتر شاره‌زایه‌یل خه‌یگه‌ ناو خه‌یاڵه‌وه‌، ئه‌وه‌سه‌ ك عراق تا ئیسه‌یش چشته‌یل فره‌یگ له‌تى ئاشكرا نه‌كریاس جویر ڕینمایى و سه‌رچه‌وه‌یل هویره‌وكردن و ئاست گه‌ردینى له‌شوون پیشكه‌فتن و قورتاربوین له‌ده‌س دویاكه‌فتن، وه‌ل ئه‌وه‌یشا ئه‌وه‌ك ڕویده‌یگ پڕه‌ن له‌كاره‌سات گه‌وراو نیه‌زانید له‌ئاینده‌ چه‌ بوود، بیگومان یه‌یش له‌گه‌وراترین كیشه‌و گرفته‌یله‌ ك چه‌سپیاسه‌ بان گشتمان و بایه‌سه‌ باوه‌ڕ وه‌ ئه‌وه‌ داشتووگ ك گامناین وه‌ره‌و ئایده‌ ها ده‌س قه‌ده‌ر. ئمجا ئه‌وه‌ك عراق له‌ ده‌وڵه‌ته‌یل تر جیاوه‌ ئه‌كا بیجگه‌ پیكهاته‌یل تایبه‌ت كوومه‌ڵایه‌تیه‌گه‌ى، ئه‌وه‌سه‌ ك هیزیگ  كوومه‌ڵایه‌تى وجوود دیریگ و ركابه‌ر یا مونافس حوكمه‌گه‌سه‌و له‌لیانیش هه‌س یه‌كسانه‌ وه‌ل تواناى كوومه‌ڵایه‌تى و سیاسى حكوومه‌تا، ك یه‌یش خوه‌ى چه‌سپنیگ و نه‌بایه‌د فه‌رامووش بكریه‌یگ له‌ هه‌ر كاریگ تایبه‌ت بوود وه‌ ملله‌ته‌وه‌ له‌گشت مه‌یدانیگه‌وه‌، وه‌ل ئه‌وه‌یشا ئى وه‌زعه‌ له‌یوا له‌ هاووڵاتى عراقى كرد هسه‌یل جووراوجوور داشتووگ ك تیكه‌ڵه‌ له‌ناونى هس نیشتمانى و نه‌ته‌وه‌یى و دینى و مه‌زه‌وى، ك هه‌رچه‌نى سیاسیه‌یل حاشا له‌ى چشته‌ كه‌ن له‌وه‌ر ئامانجه‌یل فره‌یگ.

ئیمه‌ باوه‌ڕ ته‌واو دیریم وه‌ ئه‌وه‌ك جیاوازى له‌ باوه‌ڕكردن وه‌ ده‌وڵه‌ت و به‌رز ونزمى نسبه‌گه‌ى له‌لاى هاووڵاتیه‌یل له‌ پیكهاته‌یل جووراوجوور له‌ژیر سایه‌ى كاره‌یل و له‌هه‌مان وه‌خت وه‌ وجوود نه‌ته‌وه‌ى باڵاده‌س و نه‌ته‌وه‌ى ژیرده‌س، له‌ى وه‌خته‌یله‌ ئه‌و داواكاریه‌یل ملله‌ته‌ زه‌حمه‌ته‌، بیگومان یه‌یش كیشه‌ دروس ئه‌كا له‌لاى شیه‌وكه‌ر یا شاره‌زایه‌یل له‌باوه‌ت وه‌زع و شیه‌وكردن گشتى له‌باوه‌ت دیموكراسى تایبه‌ت له‌ عراق، ئمجا له‌یره‌وه‌ تویه‌نیم بڕه‌سیمنه‌وه‌ له‌وه‌ك عراق چوینه‌ له‌ناونى علمانى و دیموكراسى، ك وه‌ى وه‌زعه‌ نیه‌تویه‌نیم شكاڵ وشیوه‌و ناوه‌ڕوكه‌ راسه‌قینه‌گه‌ى دیارى بكه‌یم وه‌ به‌راورد یا مقارنه‌ وه‌ل كاروان وڵاته‌گه‌و ئاینده‌و ڕاده‌ى پابه‌ندى رژیم سیاسى ده‌سڵاتدار له‌تى، له‌وه‌ر ئه‌وه‌ تویه‌نیم بویشیم: ك ڕوى وه‌ر یا مه‌ساحه‌ى دیموكراسى و علمانى ته‌نگه‌و مه‌رزیانیش تا ئیسه‌ دیار نیه‌.

 

ت: جه‌مال ئه‌ركه‌وازى