رووژنامه‌گه‌رى "INVESTIGATIV"یا ئستقصائى له‌ سه‌ندیكاى رووژنامه‌نویسى كوردستان لق به‌غدا

شفق نيوز



له‌ هۆڵ ده‌زگاى رووشنهویرى و ره‌سانن كورده‌یل فه‌یلى شه‌فه‌ق له‌ به‌غدا، وه‌ ئاماده‌ بوین بڕیگ له‌ رووژنامه‌نویس و ره‌ساننكاره‌یل و شماره‌یگ له‌ په‌یوه‌ندیداره‌یل.

 

 

سه‌ره‌تاى سیمیناره‌گه‌ ك" شه‌فه‌ق نیوز"ئاماده‌ بوى، یاسین تویژه‌ر و موحازر باس له‌ هه‌ڵكه‌فت رووژانه‌مه‌گه‌رى عراقى كرد له‌دویاى قوناغ رمیان رژیم وه‌رین و ئشاره‌ت كرده‌ فراوانى و ئاست فره‌یى جوور و شماره‌ى ده‌زگایه‌یل رووژنامه‌گه‌رى.

 

دویاى ئه‌وه‌یش له‌ دریژه‌داین باوه‌ته‌گه‌ى باس له‌ مه‌سه‌له‌ى رووژنامه‌گه‌رى ئسقصائى كرد له‌ ڕوى گوزارش وه‌ ئه‌وه‌گ ته‌نیا ره‌فتاریگ په‌یڕه‌وى و ده‌زگاییه‌و پشت وه‌ گه‌ردین و دقه‌ت و به‌ڵگه‌ به‌سید له‌وه‌ر گرینگداین باوه‌تى و ته‌ئكیدكردن له‌ ته‌ندروسى هه‌واڵه‌گه‌و دژایه‌تیكردن گه‌ناته‌كارى و پابه‌ندیى وه‌ نه‌خش رووژنامه‌گه‌ر ك جوور"سه‌گ" پاسه‌وان له‌بان كاره‌یل حكوومى و جوور هووكاریگ ئه‌را له‌یه‌كه‌وداین و پرس وپرسكارى وه‌ل وه‌رپرسه‌یل تاریفى كرد له‌بان كاره‌یل خزمه‌تگوزارى له‌وه‌ر خاتر به‌رژه‌وه‌ندى گشتى وه‌ گووره‌ى ریڕه‌و یاسایه‌یل هه‌ق گه‌ردین و ئازادیه‌یل ده‌سكه‌فتن زانیارى.

 

تویژه‌ر ئشاره‌ت وه‌ رووژنامه‌گه‌رى شیه‌وكارییش كرد جوور به‌ڵگه‌یگ ئه‌را رووژنامه‌گه‌رى ئستقصائى ك پشت وه‌ شیه‌وكردن و له‌یه‌كه‌وداین هه‌واڵه‌یل وه‌رگیریاگ و ده‌سكه‌فتگ  به‌سید، چوینكه‌ زوورم مه‌ردم شایه‌ت ماناى هه‌واڵه‌گه‌ نه‌زانن و گرینگى وه‌ له‌یه‌كه‌وداین ئه‌و هه‌واڵه‌ نه‌یه‌ن ك باس ئه‌رایان كریاگه‌.

 

یاسین جه‌خت له‌بان خواست جیوازكردن هه‌واڵ متمانه‌دار كرد وه‌ شیوه‌ى راسكانى خوه‌ى و دویاى ئه‌وه‌یش شیه‌وكردن و له‌یه‌كه‌وداینى له‌ڕوى پابه‌ندبوین و بیلایه‌نیه‌و.

 

ئاشكراى یه‌یش كرد، ك یه‌كیگ له‌ ئه‌ركه‌یل رووژنامه‌گه‌رى ئستقصائى، مه‌سه‌له‌ى به‌شه‌یله‌ ك رووژنامه‌نویس ئستقصائى له‌ سروشت كاره‌گه‌ى فامیدو له‌هه‌مان وه‌خت جوور سه‌گیگ تاریفى كرد له‌لایه‌ن كارمه‌ندى و ئه‌ركه‌گه‌ى جوور سه‌گ چه‌ودیرى و سه‌گ پاسه‌وانى و سه‌گ رینیشانداین و سه‌گ ماڵى خسته‌ڕوى.

 

ئنجا باسكردو  وت: ئه‌رك سه‌گ چه‌ودیریكه‌ر گه‌ردینه‌ ئه‌را چه‌ودیریكردن هه‌ر چشتیگ له‌ ده‌وروه‌رى رویده‌ید، وه‌لى سه‌گ پاسه‌وان ئه‌ركى پاسه‌وانیكردن ده‌زگایه‌یل جیوه‌جیكاره‌ له‌ كوومه‌ڵگاو سه‌گ رینیشانده‌ریش ده‌سمیه‌تداین هاووڵاتیه‌یله‌ وه‌ بڕیگ زانیارى له‌بان سیاسه‌ته‌یل و دروسكه‌ره‌یل سیاسه‌ت ك هه‌وه‌جه‌ وه‌پى دیرن ئه‌را دروسكردن بریار و مه‌زه‌نه‌كردن سه‌ركرده‌یلیان.

 

وه‌لى له‌باوه‌ت سه‌گ ماڵى، هه‌میشه‌ خوه‌ى خه‌یده‌ باوه‌ش ده‌زگایه‌یل كوومه‌ڵایه‌تى و سیاسى وه‌بى ئه‌وه‌ك بووده‌ هووكاریگ سه‌روه‌خوه‌ى و ئاشكراكردن كاره‌یل ده‌سڵات و ئه‌و چشته‌یله‌ خه‌یده‌ روى ك رژیم سیاسى توایده‌ى.

 

دویا ئه‌ركیش، ئه‌رك سه‌گ سه‌ركرده‌س، ك رووژنامه‌گه‌رى له‌یرا ئه‌و چشته‌یل سیاسیه‌ خه‌یده‌ روى ك په‌یوه‌سه‌ وه‌ مه‌یدان سیاسى ئه‌را چاره‌سه‌ر ، وه‌لى وه‌رجه‌ ئه‌وه‌ك ئاشكراى بكا خاس پاڵیده‌ى و دویاخر ئاشكراى ئه‌كا ئه‌را مه‌ردم.

 

یاسین، باس له‌ جیاوازى ناونى رووژنامه‌گه‌رى باو یا ته‌قلیدى و ئستقصائى كرد له‌ڕوى چوینیه‌تى مامڵه‌كردن وه‌ل زانیارى ك یه‌كه‌میان ده‌س ئه‌كاده‌ گرده‌وكردن زانیارى و متمانه‌ ده‌یده‌ سه‌رچه‌وه‌یل، وه‌لى ئستقصائى بایه‌سه‌ ته‌ئكید بكا له‌ زانیارى و گه‌ردین فره‌یگ ئه‌راى ئه‌نجام ده‌یدو ئسپاتى ئه‌كا وه‌ به‌ڵگه‌وه‌.

 

له‌ڕوى ئه‌نجامه‌یلیش، له‌یه‌كه‌داین رووژنامه‌گه‌رى باو، ئامانج له‌لى ئه‌وه‌سه‌ ته‌نیا ئاگادار مه‌ردم بكا وه‌ هه‌ر شیوه‌یگ و له‌یوا خوه‌ى نیشان ده‌ید ك بیلایه‌نه‌، چوینكه‌ هه‌واڵ وه‌رده‌وامه‌و شایه‌ت غه‌ڵه‌تیگ له‌تى بوود، وه‌لى رووژنامه‌گه‌رى ئستقصائى ره‌زامه‌ندى گشت مه‌ردم له‌لاى گرینگه‌و هه‌وڵ خاسه‌وكردن غه‌ڵه‌ته‌یل ده‌یدو مینه‌ى دادگه‌رى ئه‌كاو دقه‌ته‌ له‌ كار.

 

وه‌ل ئه‌وه‌یشا باس له‌و مه‌رجه‌یلیشه‌ كرد ك زه‌مانه‌تیگه‌ ئه‌را سه‌ركه‌فتن رووژنامه‌گه‌رى ئستقصائى و جه‌خت له‌ وجوود رژیمیگ سیاسى دیموكراسى په‌رله‌مانى فره‌یى و ئازادى رووژنامه‌گه‌رى كرد وه‌گشت لایه‌نه‌یل دوینریاگ و ژنه‌فیاگ و خوه‌نریاگ و باسیش له‌ وجوود ئه‌و ده‌زگایه‌یل ره‌ساننیشه‌ كرد ك سه‌ر وه‌ حزبه‌یل سیاسى و ئه‌و ده‌زگایه‌یل چه‌ودیرى و دادوه‌رى و به‌شداریكردنه‌یلیشه‌ كرد له‌ ریككه‌فتنه‌یل ناوده‌وڵه‌تى و بیجگه‌ ده‌زگایه‌یل كوومه‌ڵگاى مه‌ده‌نى ره‌ساننكار تایبه‌ت.

 

یاسین، له‌باوه‌ت ئه‌و روى وه‌ڕوى بوینه‌یلیشه‌ ك تیه‌یده‌ تویش رووژنامه‌گه‌رى ئستقصائى، ئشاره‌ت وه‌ وجوود به‌شه‌به‌شى و ته‌وافقات سیاسى و نه‌وین ئۆپۆزسیۆن سیاسى په‌رله‌مانى و نه‌وین هوشیارى له‌لاى ده‌زگایه‌یل حكوومى كرد وه‌ ئه‌وه‌ك گرینگى نیه‌نه‌ ئى جووره‌ رووژنامه‌گه‌رییگ و نه‌خش یا ده‌ورى له‌ په‌ره‌داین و ئه‌رك خاسى له‌وه‌رچه‌و ناگرن.

 

له‌ هه‌مان وه‌خت  باس له‌وه‌یش ك رووژنامه‌گه‌رى ئستقصائى تویش نه‌وین راپۆرته‌یل ساڵانه‌ى جیوه‌جیكردن ده‌زگایه‌یل حكوومى تیه‌ید وه‌ شیوه‌یگ گشتى له‌وه‌ر خاتر تاریف جیوه‌جیكردن پلان و به‌رنامه‌و ریژه‌ى جیوه‌جیكردن كاره‌یل، یه‌یش بیجگه‌ نه‌وین رووژنامه‌ى تایبه‌ت ئه‌را ئى مه‌سه‌له‌و نه‌وین ده‌زگایه‌یل مه‌شقده‌ر تایبه‌ت له‌ى جووره‌ رووژنامه‌گه‌ریه‌.

 

وه‌ل ئه‌وه‌یشا ئشاره‌ت وه‌ هه‌وه‌جه‌یل روونامه‌گه‌ر ئستقصائى سه‌ركه‌فتگ كرد وه‌ گووره‌ى ریكخستن به‌ڵگه‌و گرده‌وكردن و خوه‌ندنه‌وه‌ى و ریكخستن مه‌له‌فه‌یل و كۆپیكردنیان و له‌یه‌كه‌وداینیان وه‌ دقه‌ته‌و.

 

یاسین وه‌ باسكردن بڕیگ له‌په‌یمانه‌سازى گرینگ كووتایى وه‌ باوه‌ته‌گه‌ى هاورد له‌باوه‌ت بڵاوه‌وكردن زانیارى و له‌وانه‌یش به‌ڵگه‌ییكردن زانیارى و چه‌ودیریكردن دقه‌ت و ئاشكراكردنى وه‌ل حورمه‌تگرتن تایبه‌تمه‌ندى ژیان هاووڵاتیه‌یل و حورمه‌تگرتن دین و باوه‌ڕه‌یل و دروس نه‌كردن تون و تیژى و ره‌گه‌زى و خوسه‌و كینه‌ت و دویرگرتن له‌ بڵاوكردنه‌وه‌ى ره‌سمه‌یل ناوه‌جى و قسه‌یل ناپوخت و مقه‌یه‌تیكردن له‌ سه‌رچه‌وه‌ى زانیاریه‌یل.