كینه‌ت تایفه‌گه‌رى

شفق نيوز

ئاشكرا بوى ك له‌ سه‌ره‌تاى په‌یابوین كه‌ش ئازادى و دیموكراسى ته‌پڵ شادى و خوه‌شاڵى له‌لى دریا له‌ ئاكام نه‌مه‌ندن زوڵم و سته‌م و زه‌فتكردن رووح ئنسانیه‌ت له‌ سه‌رفرازى و كوشتن و ده‌سگیردن روڵه‌یل ملله‌ت عراق و جه‌نگ و كاولكارى و رو]داگه‌یل تر دڵته‌زن، وه‌لى دویاى دامه‌زرانن حكوومه‌ت وه‌ختى له‌ به‌غداو دویاى ئه‌نجامداین هه‌ڵوژاردنه‌یل 2005 دیاره‌ قه‌ده‌ر نه‌تواس ئه‌زره‌ت مه‌زڵومه‌یل وه‌ته‌مامى جیوه‌جى بدێ و ئه‌وه‌ بوى بار سیاسى روى له‌ خراوى كردو عراق وه‌ره‌و جه‌نگ ناوخوه‌یى و تایفه‌گه‌رى كیشاو له‌ ناوچه‌و شوونه‌یل فریه‌یگ ناوڕاس و باشووریش ئاگر جه‌نگ بڵیزه‌ گرت و هیزه‌یل حكومه‌ت روى وه‌ ڕوى جه‌نگ چه‌كداره‌یل بویه‌و.

بیگومان دویاى ئه‌وه‌یش حوكم و ده‌سڵات سیاسى وه‌گشت هه‌وڵه‌یلى نه‌تویه‌نست وه‌ ته‌مامى زاڵ بووده‌ بان بار سیاسى و تواناى مه‌سه‌له‌ى بنبڕكردن بار تایفى و گرفته‌یل ناوخوه‌یى نه‌یاشت، وه‌ل ئه‌وه‌یشا حوكم تونڕه‌وى و ته‌كڕه‌وییش په‌یا بوى له‌ سیستم ده‌سڵات.

هه‌ر له‌و كیشمه‌كیش و جه‌نگه‌یلیشه‌و كه‌مه‌ كه‌مه‌ بار عراق شيوياو كار ره‌سیه‌ ئه‌وه‌گ هاووڵاتیه‌یل بیتاوان له‌بان ناسنامه‌ كوشیان و كوشتن ناونى سنى و شیعه‌ هاته‌ وجوود و ته‌نانه‌ت كه‌مینه‌یل تریش له‌لى بیبه‌ش نه‌وین ك تائیسه‌یش كپه‌و نه‌ویه‌ وه‌ ته‌مامى و گرووپه‌یل چه‌كدار هیمان ده‌س له‌ كوشتن و رواكانن مه‌ردم بیده‌سڵات هه‌ڵنه‌گرتنه‌ و ته‌نانه‌ت له‌و وه‌خته‌یلیشه‌ ك هیزه‌یل ئه‌مریكایش له‌ عراق وجوود داشت.

وه‌ هه‌ر حاڵ خوین فره‌یگ رشیاو تائیسه‌یش جه‌نگ سیاسى و جه‌نگ مه‌رامه‌یل ده‌سكه‌فت و به‌رژه‌وه‌ندى تایبه‌ت ملله‌ت بیچاره‌یش وه‌ره‌و مه‌ترسى ناسه‌قامگیرى په‌لكیش كردگه‌و جه‌نگ و كوشتار ریكخریاگ ترۆریستى داعش و گرووپه‌یل تونڕه‌ویش رووژ وه‌ رووژ وه‌ ئاشكرا نوا له‌ ئاسایش و سه‌رفرازى گرتنه‌و حزب و لایه‌نه‌یل سیاسییش هه‌ر هانه‌ هه‌وڵ ره‌خنه‌گرتن به‌رژه‌وه‌ندى و شیوانن بار عراق و بوینه‌ هووكار كووچكردن شماره‌ى فریه‌یگ له‌ رووڵه‌ى ئى وڵاته‌و كینه‌ت چینایه‌تى و تایفه‌گه‌رى جيگير كريا.

ریاز عه‌بدولكه‌ریم